Shillong, Risaw 22
Ka Pohkseh SC bad ka Malki SC ki la ïoh jingjop ha ka lympung ïalehkai First Division Football League 2024 ba la pynïaid da ka Shillong Sports Association ha ka Sngi Ba-ar ha SSA Stadium, Polo.
Ha ka jingïakhun kaba nyngkong ka Pohkseh ka la pynliem noh ïa ka Nongrah SC da 2-0 kol. Ïa kine kol la thep da u Mickyson Roy Tangsong ha ka minit kaba 85 bad u Reinjoywel Wartde ha ka minit ba 87.
Haba phai sha kawei pat ka jingïakhun kaba ar, ka Malki ka la jop da 3-1 kol ïa ka Sohryngkham SC. U Fashion Syngkli u la thep ar kol ha ka minit ba 73 & 81 bad kawei pat kaba la thep kham ha shwa da u Korbar Nongspung (41). Hynrei na ka liang ka Sohryngkham ka la pynkhih jar nyngkong lyngba u Jefferson Kharbuli ha ka minit ba 37.
Ka Shillong Premier Leagues kan bteng biang ha ka sngi Balang ha kaba ka Nangkiew Irat SC kan ïakhun pyrshah ïa ka Laitkor SC ha ka por 2:30 janmiet bad ka Langsning FC ïa ka Nongthymmai SC ha ka por 5:30 janmiet.
