Khliehriat, Risaw 31
Ka Shilliang Umshong bad ka Ïatyllilang SC Hingaria ki la rung sha ka quarter final ha ka lympung ïalehkai 1st Division Football Tournament ba la pynïaid da ka East Jaiñtia Hills District Football Association (EJHDFA).
Ha ka jingïalehkai kaba la long ha ka Sngi Palei ha Diengshynrum kaba ha Khliehriat, ka Shilliang Umshong SC ka la pynliem noh ïa ka Tpepswer SSWO da 2-0 kol. Ïa kine la thep da u Perforce Ksih ha ka minit kaba 3 bad u Hemanjoy Khongsai ha ka minit kaba 53.
Haba phai sha kawei pat ka jingïalehkai kaba bud kaba la long hapdeng ka Ïatyllilang SC Hingaria bad Lumshken SC ki la ïasam mar shi point hadien ba kim shym la lah ban thep kol haduh kaba kut ka jingïalehkai.
Kane ka lympung kan bteng biang ha ka 5 tarik u Naiwieng hapdeng ka Diengshynrum pyrshah ïa ka R. Shynrang Shahkhain ha ka por 12 baje mynsngi, katba ka Rangad ïa ka Khliehriat West ha ka por 2:30 baje nohphai sngi.
