Srinagar, Naiwieng:
Ka kyrteng jong u Syed Ali Shah Geelani uba dei u ‘riew pyrshah sorkar u la don ha ka thup kyrteng jong ki nongthaw aiñ barim bad u dkhot jong ka ïingdorbar thawaiñ ïa uba la dei ban kynmaw burom da ka Jammu and Kashmir Assembly ha ka Sngi Ba-ar.
U nongai ktien jong ka ïingdorbar un ai ïa ki jingkren sngewlem halor ka jingkhlad noh jong une u ‘riew thawaiñ barim uba la khlad noh naduh ka dorbar ba khatduh jong ka ïingdorbar kaba la long ha u bnai Rymphang jong u snem 2018.
Kiwei pat ki ban paw kyrteng ha ka jingpynpaw jingsngewlem halor ka jingkhlad noh jong ki kan sa long ha ka Sngi Ba-ar kynthup President barim u Pranab Mukherjee, nong-aiktien barim ka Lok Sabbha u Somnath Chatterjee, Lat barim u Jagmohan Malhotra, bad MLA ka BJP u Devender Singh Rana uba la khlad noh dang shen.
U Geelani u la long u dkhot jong ka ïingdorbar thawaiñ la lai sien na Sopore konstitwensi, naba u la jop ha u snem 1972, 1977 bad 1987.
Da ka jingmih jong ki kam pyntriem jong ki lehnoh ha u snem 1989, u Geelani u la pynïasoh bad ka kynhun pyrshah sorkar bad u la iehnoh ban ïakhun ilekshon haduh ka sngi jong ka jingïap jong u ha u snem 2021.
