Chennai, Rymphang:
Ha shwa ka ilekshon sha ka ïingdorbar thawaiñ, ka sorkar Tamil Nadu ha ka sngi Ba-ar ka la pynlong ïa ka jingpynkylla ïa ka rukom treikam bad jaka kaba la kynthup ïa ki nonglum khajna bad ki heh ophisar ha kylleng ki tnad.
Ka D Sneha kaba dei ka Collector jong ka Chengalpattu distrik, ka la shah thung kum ka Collector jong ka Kancheepuram ha ka jaka jong ka Kalaiselvi Mohan, kaban shimti ïa ka kam kum ka Director jong ka Economics and Statistics.
Ka S Malathi Helen, ka Sub-Collector jong ka Chengalpattu distrik, ka la shah kyntiew kyrdan kum ka Collector bathymmai jong ka Chengalpattu ha ka jaka jong ka T Sneha.Ka R Jaya, Commissioner of Economics and Statistics, kan shimti ïa ka kam kum ka Secretary jong ka tnad Special Initiatives.
U K Ravikumar uba dei u Sub-Collector jong ka Ponneri ha Tiruvallur distrik u la shah kyntiew kyrdan kum u Collector jong ka Karur distrik ha ka jaka jong u M Thangavel.
U Chandrasekar Sakamuri, ynda u la wanphai na ka kam deputation sha ka sorkar pdeng, un shimti ïa ka kam kum u Principal Executive Officer jong ka Chennai Metropolitan Development Authority, ka kam kaba la sah thylli.
U A Shanmugasundaram un shimti ïa ka kam kum u Secretary jong Election Commission jong ka jylla Tamil Nadu.La thung ïa u N Ponmani kum u Joint Commissioner jong ka tnad Commercial Taxes ha Erode.
