Amaravati, Kyllalyngkot:
U Myntri Rangbah jong ka Andhra Pradesh u Chandrababu Naidu u la pynthikna ba un hukum ban pynïoh da ka Judicial Inquiry ban pynlong ïa ka jingtohkit kaba bniah halor ka jingjia ha Tirupati.
Ka Sorkar Andhra ka la pynbna ïa ka jingsiew bai lutksan kaba T. 25 lak, ki kam na ka bynta ki longïing jong kiba la duh noh ïa ki baïeid bathoiñ.
Kane jingpynbna ka la mih hadien ba u Myntri Rangbah ka jylla Andhra Pradesh u Chandrababu Naidu u la leit jngoh ïa ka jaka ba jia ka jingïaïuh para briew kaba la jia ha ka 8 tarik u Jymmang bad kaba la wanrah ïa ka jingduh jong 6 ngut ki mynsiem ha kaba haduh 40 ngut ki briew ki la mynsaw.
Hadien ka jingjia jong ka jingïaïuh para riew kaba la jia ha Tirupati Balaji Temple, u Myntri Rangbah ka Andhra Pradesh, u Chandrababu Naidu, u la pynbna ïa ka bailutksan kaba T. 25 lak, na ka bynta kiba haïing jong kiba la khlad noh ha ka jingjia, ha ryngkat ka jingai kam kontrak. Ïa kiba mynsaw la ai da ka Darshan bakyrpang ha ka temple ha ka sngi Thohdieng.
Kane ka jingpynbna ka long hadien ba u Myntri Rangbah u la leit jngoh ïa ka jaka ba la jia ka jingjia basngewsih, kaba la jia ha ka 8 tarik, Kyllalyngkot bad kaba la wanrah ïa ka jingduh jong ki 6 ngut ki mynsiem briew, ha kaba haduh 40 ngut ki briew kiwei pat ki la mynsaw.
“Da T. 25 lak la ai ka bailutksan bad ka kam kontrak yn ai sha ki bahaïing jong kiba la khlad noh. Sha ki 35 ngut kiba mynsaw la ai da ka Darshan kaba kyrpang,” ong u Myntri Rangbah.
Haba kren halor kane ka jingjia, u Naidu u la pynthikna ba yn sa hukum da ka Judicial Inquiry ban pynlong ïa ka jingtohkit kaba bniah bad ban ai ïa ka kaiphod kaba bniah.
“Yn hukum ïa ka jingtohkit jong ka aiñ halor kane ka jingjia ban ai ïa ka kaiphot kaba bniah. Arngut ki heh sorkar kiba kynthup ïa u Director ka Goshala u Arunadh Reddy bad uwei u pulit ki la shah weng kam. U SP, u AEO Gautami bad uwei pat u briew ki la shah pynkynriah jaka trei,” u la bynrap.
U Naidu u la kam shuh shuh ba ki jingpynbeit ha kaba ïadei bad ki jingpyntreikam ïa ka kynhun pahara na ka bynta ban pynïaid ryntih bad khmih bniah ïa ka jingdon jong ki briew kam shym la treikam ha ka rukom kaba dei.
“Ngam kynnoh ïano iano ruh. Nga la don ha ka saiñ pyrthei ha kine ki 45 snem ba la leit noh. La pynjari ïa ki bor pahara hynrei la dei ban shim ïa ki lad jingïada kiba kham kongsan.
Ki heh ba dei khmih na ka bynta ka jingpyntreikam ki la bakla. Lada ki la pyllait ïa ki shiteng kynta ne shi kynta shwa , kane kan ym shym la jia ka donkam ïa ka jingiatreilang kaba kham bha,” la ong u Myntri Rangbah ka Jylla.
Ha kajuh ka por, u heh ka YSRCP uba dei ruh u Myntri Rangbah barim u YS Jagan Mohan Reddy u la leit sha Tirupati ban ïakynduh ïa ki lanot bad ban ai jingïarap bad jingkyrshan.
U Myntri Rangbah ka Tamil Nadu u MK Stalin ruh u la pynpaw ïa ka jingsngewlem bad pynbna ruh ïa ka jingïarap pisa kaba T.2 lak sha ki longïing jong ki lanot kiba la khlad noh ha kane ka jingïaïuh para briew.
