Shillong, K’lyngkot 28
Ka Seng Samla Mawlai Phudmuri (SSMP) ka la sdang ïa ka jingrakhe Ruby Jubilee ne jingdap sawphew snem da ka jingïakob mareh marathon kaba la pynlong ha ka 25 tarik mynta u bnai.
Ha kane ka marathon la ïashim bynta shit rhem da ki khynnah, ki samla, ki rangbah bad ki longkmie. La kaweh lama plie ïa kane ka Ruby Jubilee da u Rangbah Shnong Mawlai Phudmuri u Bah S. Khongkliam kum u kongsan ha ka jingïadon lang kiwei ki nongkitkam ka Dorbar Shnong Phudmuri bad kiwei kiwei.
Ka SSMP kan rakhe ïa kane ka jingdap sawphew snem jong ka baroh shisnem lyngba ki prokram bad ki jingïalehkai bapher bapher ha kine ki shi snem lynter.
Ki nongjop ha ka liang kiba hapoh ka 6 snem ka rta, ki long u Marbudlang Snaitang (Madanheh East B), Dakherdor Dohtdong (Pdengshnong) bad u Meshanki Khyriem (Khliehshnong) kiba la wan ba nyngkong, ba-ar bad balai.
Ha ka Under-12 Boys, la jop da u Habanjop Lynrah (Madanheh east A), ba-ar u Venancio Lyngkot (Madanheh east A) bad balai u Benhanan K. Suting (Pdengshnong). Ha ka liang ki kynthei la jop da ka Laphilaribha Warlarpih (Khliehshnong), ba-ar ka Ibariakor Kharkongor (Madanheh west) bad balai ka Jefinia Wahlang (Madanheh east A).
Ha ka Under-16 Boys la jop da u Rishanskhem Dohling (Nongmadan), ba-ar u Ïaisanlang Dohling (Nongmadan) bad balai u Pynbhalang Dohling (Nongmadan). Ha ka liang ki kynthei la jop da ka Phinda Phyrnai Khongbri (Madanheh east A), ba-ar ka Febriana Wahlang (Madanheh East A) bad balai ka Eleada Diengdoh (Madanheh East A).
Ha ka liang kiba 16 haduh ka 40 snem shaneng jong ki kynthei la jop da ka Claire Jala Kharbhih (Khlieh Shnong), ba-ar ka Olivia Kharkongor (Madanheh West) bad balai ka Ibahunlang Kharkongor (Madan-heh West). Na kiba 40 snem shaneng jong ki shynrang la jop da u Bah Gideon Malngiang (Massar), ba-ar Bah Darwell K. Budnah (Massar) bad balai u Bah Astarius Rongrin (Madanheh East B).
Na kiba 40 shaneng jong ki kynthei la jop da ka Idalyne Kharbuli (Nongma-dan), ba-ar ka Farida Wahlang (Madan -heh West) bad balai ka Kong Sara Mary Shabong (Madanheh East A.
Kiba ïoh ïa ki khusnam kyrpang na ka liang ki kynthei ki long ka Kong Magdalina Kharkongor , Kong Iris Kharkrang, ka Biba Majaw bad Kong Fidalis Khongbri.
