
Kane ka pyni ba kaba long dkhot ha kano-kano ka niam kam long ka kam kaba ïoh nong na u Blei. Namar u Blei um ju ïarap kyrpang tang ïa ngi kiba long niam, hynrei u ieit bad u ai kumjuh ka jingkmen bad ka jingjynjar ïa ngi ki briew baroh.
U Blei u ieit ïa ngi ki jait niam baroh bad khamtam ïa kito kiba kohnguh ïa ki hukum jong u. Namar u briew um lah ban ïoh diang ei ei ruh em, lymda la ai na u na bneng. Namar bun ki briew ki burom ïa u Blei da la ki rmiang shyntur hynrei ka dohnud jong ki te ka jngai na u. Bun kiba long niam ki mane thala ïa u Blei naba ki hikai ki jinghikai ïa ki hukum jong ki briew bad ki ïehnoh ïa ki hukum u Blei. Dei kane ka daw ba ngi pang ngi shitom, ngi shem kyrduh, ngi khuslai kumjuh kum ki bym long niam. Kane ka mut ka niam kam don jingaidei ei ei bad ka jingthmu jong u Blei. ïaroh katba ïaroh, kumjuh ngin ïoh ka jingai ei jong u Blei. Namar la thaw ïa ngi ki briew na ka dewmet katkum ka jingngeit ngin leit phai sha kajuh ka dewmet.
C. B. Iawphniaw