Ka ai jait kmie ka pynduh noh ïa ka tynrai

Ka jingkylla jait sha u kpa kam pynduh noh ïa ka jinglong tynrai kum ka jaitbynriew. Namar ka snam ka neh bad ka hiar pateng. Namar kham kordor ka snam kaba ai jingim. Ka jait...

Ka jingkylla jait sha u kpa kam pynduh noh ïa ka jinglong tynrai kum ka jaitbynriew. Namar ka snam ka neh bad ka hiar pateng. Namar kham kordor ka snam kaba ai jingim. Ka jait kam ai jingim, ka dei tang ka sopti kaba tap na jrong. Ban ñiew ba ki khun Khasi ai jait kpa kim dei shuh ki Khasi, katba ki khun shiteng la ai jait kmie ki dei ki Khasi.

Kan kham biang noh ban ai lang jait kpa bad jait kmie ba ki khun kin eh daw bad kin ñiewkor ïa ka kmie u kpa, lymkumta kumno yn kheiñ ba ngi long ka jaitbynriew tip briew tip Blei. Kaba kongsan ka long ba ka jaitbynriew kan im kan roi bad kan lait na bun ki jingma. Kumta ngi donkam ban pynkupbor ïa ki longkpa ban im kum ka jaitbynriew kyrpang. Ha ki jaitbynriew ai jait kpa ka kmie bad ki khun ki shim lang ïa ka jait u kpa ki khun. Ka mut kata ka longïing ka long kawei. Ka spah kam neh ha ki longïing Khasi namarba ka long pateng la aiti tang ha ka khun khatduh ne sha ki khun kynthei ym sha ki khun shynrang. Baroh ki khun ba ai jait kmie na ki kpa bapher bapher kylleng ka pyrthei ki ioh jait kmie. Kane ka dei keiñ ka jingduh noh ïa ka tynrai Khasi paka.

C. B. Iawphniaw