Shillong, Lber 27
Ka senior women selection committee jong ka Meghalaya Cricket Association ka la jied 15 ngut ki ‘thei ïalehkai lem bad san ngut kiba la pynap lypa ban mihkhmat ïa ka Jylla ha ka 2nd NECDC Senior Women Tournament 2025 ka ban long ha Rangpo, Sikkim naduh ka 7 haduh ka 9 tarik u Ïaïong.
Ïa kane ka kynhun yn ïalam da ka Debasmita Dutta kum ka kapten bad yn ïarap lang ïa ka da ka vice-captain ka Riticia Nongbet, la pynbna u Secretary ka MCA u Bah Rayonald Kharkamni ha ka kyrwoh.
Ïa kane ka lympung kaba nyngkong eh la pynlong da ka North East Cricket Development Council ha Nongkhrah, Ri-Bhoi mynshem snem. Ka Sikkim bad ka Nagaland ki la shah pynbna kum ki nongjop lang hadien ba ka phainal ka la shah pynthut noh ha ka ‘erïong ‘erngit ha u Risaw.
Ki kyrteng jong nongïalehkai ka Jylla ki kynthup ïa ka Debasmita Dutta (C), Riticia Nongbet (VC), Luiza Tamang, Monica L Phawa (WK), Neha Hajong, Ankita Sharma, Rebeldalis Syiemlieh, Ruby Chettri, Daïaka E. Warjri, Ritreki Pohshna, Rikmanchi M. Sangma, Indariakor Kharwanñiang, Monica Singh, Deimaphishisha Lamare bad ka Ajima Sangma. Katba kiwei pat kiba la pynap lypa ki long ka Saradafica Kharbani, Dubleen Nengnong, Solina Jaba, Neelam Roy bad ka Shruti Kumari Ray.
Ki coach ki kynthup ïa u Bah Mackie D Blah (Coach), Bhakupar Mylliemngap (Assistant Coach), Wandashisha Dkhar (Physio), Darishesha Mawroh (Trainer) bad ka Baïahunlang Mylliemngap (Manager).
