Vijayawada, Jymmang:
Kum shi bynta jong ka jingïakhih ‘Yogandhra’ kaba neh shibnai, ka tnad ka koit ka khiah ka la thaw ïa ki jingthmu ban pynsngewthuh shaphang ki jingmyntoi jong ka Yoga lyngba ki jingpyni, ki jingïakop, bad ki jinghikai ha kylleng ka jylla kaba la sdang naduh ka 21 tarik u Jymmang haduh ka 21 tarik u Jylliew.
Haba pynpaw ïa ka por treikam jong ka prokram ha ka jingpynbna pathai khubor ha ka Sngi U Blei, u Special Chief Secretary (Health, Medical and Family Welfare) u M.T. Krishna Babu u la ong ba ka sorkar kan sa ai jinghikai pyntbit sha ki 2,600 ngut ki nongshoh hikai bad 1.25 lak ngut ki nong shah hikai kiba na ka thaiñ ban lah ban kyllum haduh 70 lakh ngut ki briew.
Ka jingpynsngewthuh paidbah kaba heh, kynthup ïa ka jingïaid paidbah na jingkhang sha jingkhang bad ka jingïalang paidbah ha ka 27 tarik u Jymmang, ka don ruh ha ki kot.
Ha ka taïew ba ar (28 Jymmang-3 tarik Jylliew), ki jingïalang kin long ha Undavalli Caves, Swarnala Cheruvu, Puttaparthi, SV Zoo Park bad Thotlakonda. Ha ka taïew ba lai (4-9 tarik Jylliew), yn pynlong ïa ki jingpyni dur ha Tribal Museum, Siddavatam Fort, Samarlakota temple, Chintapalli Beach, bad Shilparamam. Ki prokram kin pyndap ïa ki riewlum, ki seng treimon sngewbha, ki nonghikai, ki tymmen, bad ki seng samla.
Ha ka taïew kaba saw (Jylliew10-15) yn pynlong ïa ki jingïalehkai ha Mangalagiri Eco Park (Guntur), Kondareddy Buruju (Kurnool), Sri Kalahasti, bad Vishwanatha Sports Club (Visakhapatnam), ha kaba ki phang pdeng kin pynleit jingmut ha ki samla pule, ki nongtrei karkhana, ki nongkhaïi, ki samla ba duna dkhot met, bad ki bym don kam don jam.
Ha ka taïew ba khatduh (Jylliew 16-21) yn pynlong ïa ki jingïalehkai Yoga ha ka mandir Vadapalli (Konaseema), Maredumilli (Araku), Sriharikota (Tirupati), bad ka mandir Ahobilam (Nandyal).
