Chennai, Jylliew:
Hapdeng ki jingïa-khmih lynti shaphang ka jingai bhah ïa ki ar tylli ki shuki Rajya Sabha da ka AIADMK, u nongbuh pisa jong ka seng DMDK u LK Sudhish u la ïakren slem bha bad u General Secretary ka AIADMK u Edappadi K Palaniswami ha ka ïing sah jong utei u rangbah ha ki khyndiat sngi jong ka taïew ba la lah.
Ki tyllong khubor ki ïathuh ba u Sudhish u la buh ïa ka jingdawa kaba tyngeh ban ïoh ïa ka shuki ha Rajya Sabbha.
Hynrei ym shym la pynbna ïa kano-kano ka rai. La khmih lynti ba u Palaniswami, un sa pynbna ïa katei ka rai hapoh kine ki khyndiat sngi.
Ka Symbud Myntri Rangbah ka DMDK, ka Premalatha Vijayakant, ka la kynto la slem ïa ka jing-ai ïa kawei ka shuki ha Rajya Sabha sha ka seng jong ka.
U Palaniswami u la dep kyntait lypa ba ka don kano-kano ka jingïateh na ka bynta ban ai kawei ka shuki Rajya Sabbha sha ka DMDK.
U Premalatha ruh u la pynpaw ïa ka jingkyndit kaba khraw halor katei ka jingkyntait.
Ha ka sngi Palei, ka Premalatha ka la pynpaw ïa ka jingdawa jong ka ha ki kyntien kiba khlem artatien ha Pudukottai.
Ka la ong ba ha ka ilekshon Lok Sabha 2024, ka AIADMK ka la kular ban ai kawei ka shuki Rajya Sabha sha ka DMDK.
Ha ki por ba la dep, ka AIADMK ka la ai shuki Rajya Sabbha ïa u Anbumani Ramadoss bad u GK Vasan.
“Kane ka dei ka pali jong ngi, u Palaniswami u dei ban ai kawei ka shuki Rajya Sabha sha ka DMDK bad ban bat ïa ka ktien jong u.”
Ha kane ka kynti, u Sudhish u la khot ïa u Palaniswami bad pynlong ïa ki jingïakren.
Ha kajuh ka por, ha kane ka jingïakren kaba ar sngi bad ki Secretary jong ki distrik, u Palaniswami u la pynlong ruh ïa ka jingïakren halor ka jingai Seat ïa ka Rajya Sabha bad ki nongïalam ba rangbah.
Ki tyllong khubor ki ïathuh ba ki nongtrei ka AIADMK kim shym la sngewtynnad ïa ka rukom ba ka Premalatha ka la buh ïa ka jingdawa jong ka ha ka sngi Palei.
Hynrei la khmih lynti ba ka AIADMK kan shim ïa ka rai da kaba buh ha ka jingmut ïa ka jingthmu jong ka ban thaw ïa ka jingïateh kaba khlaiñ na ka bynta ka ilekshon sha ka ïing dorbar thawaiñ jong u snem 2026.
Ki kyrteng jong ki katto katne ngut ki nongïalam, kynthup ïa u S Semmalai, u D Jayakumar, u Thamizhmagan Hussain, u Presidium Chairman jong ka seng, u Vindhya uba dei u Deputy Propaganda Secretary jong ka seng bad u N Sadhan Prabhakar na Ramanathapuram distrik ki dang ïaid kylleng kylleng ban ïoh ïa ki shuki RS.
Ki tyllong khubor jong ka AIADMK ki la ïathuh ba u Palaniswami, ha ka jingïakren kaba ar sngi bad ki Secretary jong ki 82 tylli ki distrik jong ka seng ryngkat bad ki nongpynïaid jong ki, u la ong bunsien ïa ki ban pyndep ïa ka jingpynkhlaiñ ïa ki komiti jong ki Booth haduh ka 15 tarik u Jylliew.
Ki tyllong khubor ki ïathuh ba u Palaniswami u la ïathuh ha ki nongtrei ba un buddien ïa ka jingïaid shaphrang ha kane ka bynta man ka por.
