New Delhi, Jylliew:
U Myntri Rangbahduh jong ka ri, Narendra Modi u la pyllait paidbah ïa ki Electric Bus kum shi bynta jong ka jingthmu pyntreikam jong ka Sorkar Delhi. Kane ka jingpyntreikam ka don jingthmu na ka bynta ban kyntiew ïa ka roi ka par bad ban pyntikna ha ka ban wanrah ïa ka jingkhuid ha ki jaka sor.
Na ka liang u Modi u la pynpaw ba kane ka jingtrei shitom kan sa ïarap na ka bynta ban wanrah ïa ka jingkhuid bad ka jingjyrngam ha Delhi, katba ka dang pyrshang ban pynbiang ïa ka rukom jinglong jong ka jingim ki nongshong shnong. “Tei ïa ka jingkhuid bad ka jingjyrngam jong ka Delhi! La pyllait paidbah ïa ki Electric Bus hapoh ka jingtreikam jong ka sorkar Delhi kaba don jingthmu na ka bynta ban pynneh ïa ka roi ka par bad ka jingkhuid ha sor. Shuh shuh, kane kan nang pynsuk ha kaba ïadei bad ka rukom im jong ki nong Delhi,” u la ong.
Kumba la ïathuh ki heh ba dei khmih, la ong ba ki la don kumba 200 tylli ki Electric bus ba la wanrah ha ka sngi Palei, ha kaba da kine la nang pynbun shuh shuh ïa ka jingdon jong kum kine ki kali ha ka Delhi Transport Corporation sha ki 2,000 tylli.
Kane ka jingnang pynbun shuh shuh ïa kine ki jait kali ka ïarap ban nang kham pynduna ha ka nongbah ïa ka lyer jaboh lyngba ki lad ki lynti ba la wanrah da ka tnat Transportation. U Lieutenant Governor jong ka Delhi, u V K Saxena u la ai ka jingïaroh ïa ka Myntri Rangbah ka Rekha Gupta halor ka jinglah jong ka ban aiti na ka bynta ban ïakhun pyrshah halor ka jingjaboh jong ka lyer.
Ha ka jingthoh ba la phah, u Saxena ha ka rynsan X u la ong ba kane ka kynhun kaba thymmai jong kine ki E-buses, ba la pyllait paidbah da u Myntri Rangbahduh, hapoh ka jingïatreilang jong ka Gupta ka long na ka bynta ban pynbiang ïa ka jinglong jingman jong ka lyer ha ka nongbah.
Shuh shuh u Saxena u la kdew ba u la don bynta ha ka prokram “One Nation One Mission: End Plastic Pollution” ba la pynïaid da ka GNCTD ha ryngkat u Myntri ka sorkar pdeng uba dei khmih ïa ka tnat Environment, Forest & Climate Change, u Bhupender Yadav.
