Bengaluru, Jylliew:
Ka Sorkar Karnataka, ha ka sngi Palei ka la leh da kaba tyngeh pyrshah ïa ki pulit, kiba la shah kynnoh, ba ki dei kiba donkti ha ka jingjia jong ka jingïaïuh para briew ha Bengaluru, ha kaba ka la weng kam shipor ïa ki katto katne ki heh ophisar, ba kynthup ïa u Police Commissioner jong katei ka nongbah. Haba kren ha ka jingïalang bad ki nongthoh khubor, u Myntri Rangbah ka jylla u Siddaramaiah u la pynbna ruh ïa ka kynhun kaba don tang uwei u briew ban tohkit ïa ki jingbakla kiba la wanrah ïa ka huri-hura kaba la shim ïa ka jingim jong ki briew.
“U heh pulit jong ka Cubbon Park Police Station, u Station House Master, u Station House Officer, u ACP, u DCP jong ka Central Division, u nongpynïaid ïa ka madan ïalehkai kriket, u Additional Commissioner jong ki pulit, u Commissioner jong ki pulit ki la shah weng kam noh khlem da pynslem,” la ong u Myntri Rangbah.
U Myntri Rangbah ka jylla u la pynbna ba ïa kane ka kynhun tohkit yn ïalam da u Justice Michael D’Cunha uba dei u nongbishar ba la shongthait na ka High court.
