Vijayawada, Jylliew:
U President jong ka seng YSRCP uba dei ruh u Myntri Rangbah barim ka jylla u YS Jagan Mohan Reddy u la kynnoh ba u Myntri Rangbah ka jylla u Nara Chandrababu Naidu u la thmu ban pynshit ïa ki paidbah ban pyrshah ia ka jingleit jong u sha Podili ha Prakasam distrik.
“Nga la leit sha Podili ha Prakasam Dist. ban ïakynduh ïa ki nongrep duma kiba don ha ka jingeh bad ban ai jingkyrshan ïa ki, namar ba ki la shah kyntait ha ka dor kaba biang. Palat 40,000 ngut ki nongrep bad ki nongshong shnong ki la ïasoh bad nga da ka jingïatylli. Khnang ban pynphai khmat na kane ka mat ha kaba ïadei bad kane ka bynta, u Chandra Naidu u la rai ban phah ïa kumba 40 ngut ki nongbud jong ka seng TDP ban leit pynpulom ïa ka ingïalang bad ban pynjur ïa ki kam thombor da kaba kwang maw ha shi bynta ki lynti synkien bad ki surok. Ka long ka jingsngewnguh ba ki nongrep bad ki paidbah kim shym la pynphai kylla ne ban pynibor pyrshah ïa ka kynhun jong ki runar na ka seng TDP,” la thoh u Jagan Mohan Reddy ha ka rynsan ‘X’.
