New Delhi, Jylliew:
Ha ka jingpynbna ba la pynthymmai halor ka jingithuh bad jingaiti ïa ki met ïap, ka sorkar ka la pyntip ba haduh ka por 11.45 baje mynstep jong ka 20 tarik, Jylliew, la pynthikna ïa ka jingïahap ka DNA na ka bynta 220 ngut ki lanot kiba la ïap ha ka jingjia hap bad bthei ka liengsuiñ ha Ahmedabad.
Na kine, kiba la lap, 202 tylli ki metïap la dep aiti sha ki bahaïing jong ki. Ka jingpynphai ïa kine ki met basah ka kynthup ïa 151 tylli jong ki nong India, 34 ngut ki nongshong shnong jong ka ri Bilat, hynñiew ngut ki nong Portugal, uwei u nong Canada, bad khyndai ngut ki bym dei ki nongleit nongwan ïa kiba la ngeit ba ki dei ki nongtrei ha madan ne ki nongtrei ha kad liengsuiñ.
Na ki met ïap ba la pyllait, 15 tylli la kit da ka liengsuiñ katba kiba bun — 187 ngut — la phah da ka surok lyngba ki kali kit nongpang sha la ki jong ki jaka.
U Myntri ka tnat ka Koit ka Khiah u Rushikesh Patel u la ïasam ïa kane ka jingpynbna lyngba ka rynsan X, da kaba pynthikna ba ïa ki metïap kiba dang sah yn sa aiti noh shen, hadien ka jingithuh bad ki jingpynbeit ryntih.
Ki jingpyrshang ki dang ïai bteng baroh shisngi katba ki kynhun Forensic, ki kynhun ba ïarap ïa ki jingjia ba sngewsih, bad ki bor synshar jylla ki ïatreilang ban pynthikna ïa ka jingsumar kaba biang ïa ki lanot bad ka jingkyrshan ïa ki longïing kiba ngat ha ka jingsngewsih.
Kane ka jinghap ka liengsuiñ ka Air India kaba sngewsih ka la jia ha ka 12 tarik u Jylliew, ha kaba ka liengsuiñ Flight AI171, ka dang mih na Ahmedabad sha London Gatwick.
Katei ka liengsuiñ, kaba dei ka Boeing 787 Dreamliner, ka la ïakynduh ïa ki jingeh na ka jingbym treikam ki kor ki bor hadien ba la mih na ka kad liengsuiñ bad hap noh ha ki bynta ba markhap bad ka nongbah Ahmedabad, ha kaba ka la shim ïa ka jingim jong ki 241 ngut kiba don ha ka liengsuiñ, kynthup ïa ki nongleit jingleit bad ki dkhot jong ka kynhun pynïaid liengsuiñ.
Kane ka jinghap kane ka liengsuiñ ka la shim ruh ïa ka jingim jong ki katto katne ngut ki briew kiba don ha madan ha kaba ka la hap, kynthup ïa kiba ha ka ïing basah ki samla pule doktor.
Ki khubor ba nyng-kong ki pynpaw ba ka lah ban don ka jingthut jong ka Engine, hynrei ka jingtohkit kaba bniah da ka Directorate General of Civil Aviation (DGCA), ha ryngkat ki bor pynïaid liengsuiñ jong ka pyrthei, ka dang ïaid shakhmat ban tip ïa ka daw ba thikna.
Ka jingktah jong ka jinghap ka long kaba shyrkhei, ha kaba ka liengsuiñ ka la bthei noh haba ka ïakynduh ha ka jaka ba ka hap bad ki briew ki la shah bam ha ka jingpluh hadun ban da ïingkhong raw, ha kaba kane ka la donkam ban hap leh da ka DNA khnang ban lah ban ithuh ïa kine ki metïap.
Kane ka dei kawei na ki jingjia ba shyrkhei tam ha ka histori jong ka ri India, kaba la wanrah ïa ka jingsngewsih ha ka ri baroh kawei bad kaba la pynmih ïa ka jingïarap kyrkieh kaba jur bha kaba la ïadon bynta lang bad ki kynhun jong ka NDRF, ki riew shemphang ha ka liang ka aiñ, bad ki tnad jong ka sorkar jylla.
