New Delhi, Jylliew:
U dkhot jong ka Lok Sabbha, u Vijay Vasanth bad ki seng jong ki nongtong dohkha, ki la kyntu ïa ka sorkar pdeng, ba kan shim ïa ki lad ki lynti ban pyllait im ïa palat 1,000 ngut ki nongtong dohkha Kanniyakumari, kiba sahkut, ha ka jaka ba ha ka jaka ba ïahiar thma mar kylliang ka Iran bad Israel.
Ha ka shithi ba la phah sha u Myntri korbar ri S Jaishankar ha ka sngi U Blei, u Vasanth u la ong ba ka jingwan tuklar jong ka US ha ka thma ka la nang pynjur shuh shuh ïa ka jingeh ha West Asia bad kumta ki nongtong dohkha ka TN kiba la ïathuh ba ki sahkut ha ki jaka ba don jingma hangtei ki ïaleh ban mih na katei ka jaka.
U MP u la kyntu ïa u Myntri ba un shim khia ban pyllait im ïa ki nongtong dohkha TN kiba trei ha ki kam tong dohkha ha Iran bad Israel bad ban pynpoi biang ïa ki sha la ïing da kaba suk.
Ka jingpynbna pathai khubor ka la shim ïa ka jingong jong u MP ha ka shithi kaba ong “ban pynpoi biang ïa ki nongtong dohkha sha la ïing da kaba suk ka dei ka kamram ba kongsan eh jong ka sorkar”.
U General Secretary jong ka South Asian Fishermen Fraternity u Fr A Churchil u la ïathuh ha ka lad pathai khubor ba uwei u nongtong dohkha uba la tip kyrteng kum u Thadeuse uba na Colachel ha Kanniyakumari ula ïakynduh ïa u ha ka Sngi U Blei na Iran, ha kaba u la ïathuh ba kumba 700 ngut ki nongtong dohkha TN, kiba bun na ka distrik, ki sahkut ha Kish khlem kano kano ka lad ka lynti ha kaba ïadei bad ka leit ka wan.
U President jong ka International Fishermen Development Trust u P Justin Antony ruh u la kyntu ïa katei ka jaka ban pyllait im ïa ki nongtong dohkha.
