Thiruvananthapuram:
Ka jingïalang bahakhliehduh ba la pynïaid da u Myntri Rangbah ka jylla u Pinarayi Vijayan ka la rai ban pynkylla ïa ki 31 tylli ki kyndon bapher bapher ban pynlong ïa ka jylla kaba kham ïadei bad ka jingbei tyngka.
Ki jingpynkylla kin ïarap ïa ka jylla ban pynurlong ïa ki jingtyrwa bei tyngka ba la ïoh pdiang ha ka Invest Kerala Global Summit (IKGS). Ha kane ka jingïalang la ïakren ruh ban thaw ïa ka kynhun treikam hapoh ka tnad synshar shnong na ka bynta ban pyntreikam kloi ïa ki jingtyrwa.
Ïa kane ka jingpynthymmai ne jingpynkylla la tyrwa ïa ki kyndon kiba ïadei bad ki jaka synshar hi, ki tnad khajna, ka bording, ka mariang, ki nongtrei, ka rep ka riang bad ka jingpule kaba kham shalor, la ong ka jingpynbna paidbah.
Yn pynlait ha ka kyndon kaba ïadei bad ka jingdonkam ïa ka jingheh jong ka surok kaba la buh ha ka kyndon shna ïing jong ka Kerala, 2019.
Yn pynheh ïa ka jaka kaba heh tam kaba la buh na ka bynta ki ïing khaïi ha ki Panchayat ba don ha ka kyrdan-II.
Yn pynkylla ïa ki kot ki sla kiba donkam haba pan jingbit ban tei ha ki jaka ba la ai wai.
Yn pynkylla biang ïa ki jingbthah ban pynbeit ryntih ïa ki jingtei ba la leh katkum ka aiñ pynsuk ïa ki MSME jong ka Kerala 2019.
Yn pynkylla ruh ïa ki kyndon pynïeng kali na ka bynta ki jaka jngohkai bad ki hotel ha ka liang ka kam jngohkai pyrthei bad ka kam pdiang sngewbha. Na ka bynta kane, yn pynkylla ïa ki jinglong ban bishar ïa ka jaka tei.
Ka jingïalang ka la rai ban pynsted ïa ka jingpyntreikam ïa ki kot ki slap jong ka jinglong trai kiba ïadei halor ka jingpynthikna ïa ka jingpyndonkam ïa ka khyndew kaba khuid bad kaba paka.
Yn buh hakhmat eh ïa ki aplikeshon ban pynkylla jaka na ka bynta ki jingtyrwa projek ba la ïoh ha ka IKGS.
Yn pynmih ïa ka Circular ban batai ïa ka bor jong ki ophisar ba dei khmih ha ki kam rep ha ka jingkylla ka kyrdan jaka.
