Karachi, Naitung:
Ka jingdon kiba khlad na ka jingkhyllem ka iingmala ha ka nongbah Karachi jong ka Pakistan, ka la kiew sha ka 27 ngut ha ka Sngi U Blei, hadien ba la nang ioh sei shuh-shuh ia ka met jong kitei kiba ngat bad khlad ha katei ka jaka.
Haba ai jingkheiñ ïa ka jingdon kiba khlad baroh haba iadei bad katei ka jingjia, u Hassaan Ul Haseeb Khan, nongaiktien jong katei ka operation, u la ïathuh ha ka Xinhua ba ki kam pyllait im ki dang don ha ka bynta ba khatduh bad ïa kiba bun ki tnum jong ki jingtei la lah ban weng noh.
U la iathuh ba ki don kumba 15 ngut ki kynthei kiba khlad bad 3 ngut napdeng jong kitei ki kynthei ba khlad, ki dei ki khynnah ki dei bad 3 ngut kiwei pat ki dei kiba la mynsaw jur bha.
La ong ba ki kynhun iarap ki la hap ban pyndonkam da ki kor kiba heh bad ki tiar iarap jong kane ka juk stad mynta ban pynkhuid ia ki jaboh jabaiñ ha ka por ba pynlong ia ka jingtrei, kaba la neh haduh palat 48 kynta eiei.
Katkum ka jingiathuh jong ki bor pyniaid shnong, la ong ba katei ka iing kaba la twa ka dei kaba la rim bad kaba la don mynta kumba 30 snem eiei bad la don ruh kiba la maham naduh ki por ba la leit, ba katei ka iing ka long ka bym shngaiñ.
Haba iadei bad kane, la ong ba ka sorkar ka la thaw da ka komiti kyrpang ban tohkit bniah haba iadei bad katei ka jingjia.
La iathuh ba katei ka iing sah briew kaba 5 mala, kaba don hapoh ka nongbah Karachi jong ka Pakistna, ka la twa noh ha ka 4 tarik u Naitung, ha kaba 10 ngut eiei ki la khlad hashen na katei ka jingjia.
Ki heh pulit jong katei ka thaiñ, ki la iathuh ba palat 30 ngut ki briew, ki la shah tap ha ki kynrum- kynram bad ki la sahkut hapoh ki thliew- ki syar hadien ba katei ka iingmala kaba heh, kaba don ha ka thaiñ Lyari jong ka nongbah Karachi, ka la twa kynsan bad ki bor pyniaid bad ki kynhun iarap jong katei ka ri, ki dang pyrshah shitom katba lah ban ban pyllait im bad ban leit sei ia ki briew kiba dang sahkut bad kiba dang jah rngai na katei ka jaka baroh.
Ki heh sorkar ki la iathuh ba la pyndonkam da ki tiar jong kane ka juk stad ba mynta, naduh ki kor machine ki bapher bad kiba heh ban iarap ban weng bad pynkhuid ia ki lyngkhot-lyngkhai kiba kiba mih na ki jingtwa jong katei ka iing heh.
Ki paidbah nongshong shnong kiba sakhi ia katei ka jingjia, ki la iathuh ba katei ka iing ka la twa hadien katto- katne ki jingkhih kiba kitei kiba sah ha katei ka iingmala, ki dang pyrkhat bakla ioh dei u jumai uba pynkhynñiuh ia katei ka jaka ba ki shong ha katei ka sngi.
Hadien katei ka jingjia, ki bor pyniaid ki la phah ker kut noh ia katei ka jaka baroh kawei bad ia baroh kiba la ngat bad mynsaw, la pynkit noh sha ki hospital ba marjan, ha kaba la ong ba katto katne ngut ki briew ki don hapdeng ka jingmynsaw kaba jur bha.
