Indonesia, Naitung:
Ha kane ka khubor kaba sngewphylla, la ong ba hadien ka jingwad bad jingthwet kaba jur jong ki pulit ka Indonesia, ki bor pyn-iaid katei ka ri ki la shem pat ia utei u nongrep ba la jah rngai la slem na kpoh jong u ‘lenlum uba don ia ka jingjrong 8 meter ha ka thaiñ Shathie-mihngi jong ka distrik Buton ha Sulawesi.
U heh jong ka tnat Regional Disaster Management Agency (BPBD) jong ka South Buton, u Laode Risawal, u la iathuh ba utei u nongrep u la jah naduh ka step Sngi Thohdieng hadien ba la leit ujor da ki bahaiing jong u hadien ba u la leit ban rep sha ka lyngkha.
La ong ba dei ki paidbah nongshong shnong jong katei ka shnong hajan ka lyng-kha jong u, ki la lap ia utei u ‘lenlum katba u dang nguid im ia utei u nongrep ha katei ka jingjia.
La ong ba kitei ki nongshong shnong ki ipher ia ka rukom khih bad rukom leh jong utei u ‘lenlum uba heh bah bad kumta ki la suba ba utei u ‘lenlum u la nguid ia uno-uno u jingthaw uba heh bad ki la pyniap syndon ia u, ha kaba ki la shem ia ka met jong utei u nongrep na ki snier jong utei u ‘lenlum.
