Raipur, Naitung:
U Collector ka Sarguja ha Chhattisgarh u Vilas Bhoskar, u la pynmih ïa ka hukum, kaba khang pyrshah syndon ïa ka jingdie, ka jingshalan bad ka jingai kyiad ha Mainpat, kaba jngai kumba 350 km shaphang Shatei jong ka Raipur.
Ka jingai jinghikai kaba lai sngi na ka bynta ki MP bad ki MLA jong ka seng BJP ka jylla ka la sdang hynnin ka sngi ka lah sngi U Blei.
U Collector u la buh ha ka jingmut ïa ka mat jong ka aiñ bad ka shongsuk shong-saiñ bad ka jingsuk ki paidbah, haba buh ïa ka jingbthah.
U majistor ka distrik u la pynpaw ba ïa kane ka rai la shim da kaba buh ïa ka jingwan jong ki nongwan jngoh kiba halor, ki riew donburom na ka sorkar kmie bad ka jylla ha Ropakhar ha Mainpat, kaba la khot ruh kum ka ‘Shimla jong ka Chhattisgarh’.
Namar ka jingwan jngoh jong ki riew pawkhmat bad ki nongwan jngohkai kiba kyrpang na ka kyrdan pdeng bad jylla, la pynjari ïa ka jingpyrkhing ha kaba la khang ïa ka kyiad kaba la long ha kane ka sngi ka 7 tarik, Naitung haduh ka por 2 baje janmiet jong ka 9 tarik, Naitung, da kaba pyrkhat ïa ki lad pynkhreh halor ka aiñ bad ka jingsuk paidbah ha ka thaiñ, ong ka hukum.
