Gandhinagar, Naitung:
U Myntri Rangbah jong ka Gujarat, u Bhupendra Patel, u la pynbna ban ai ka bai lutksan kaba mar T.4 lak na ka bynta ki longïing jong kito kiba la khlad ha ka jingkhyllem ka jingkieng ha Vadodara. U la pynbna ruh ban ai mar T.50,000 na ka bynta kiba mynsaw.
Haduh ba la thoh ïa ka khubor, ki la don haduh mynta 13 ngut ki briew kiba la ïap ha kane ka jingjia kaba la jia ha ka Sngi Balang ha ka thaiñ Padra ha Vadodara distrik jong ka Gujarat.
Ha ka jingthoh kaba la buh ha ka rynsan X, u Patel u la ong, “Ka jingtwa jong ka jingkieng Gambhira, kaba pynïasoh ïa ka Anand bad ka Vadodara, ka la wanrah ïa ka jingjia kaba sngewsih jur. Ka sorkar jylla ka la ïeng skhem ban ai ka jingkyrshan bad don ryngkat bad kito ki longïing kiba la shah ktah jur ha ka jingjia. Ka sorkar kan pynbiang ruh mar T. 4 lak sha ki bahaïing jong kiba la khlad ha ka jingjia. Shuh shuh, man iwei-pa-iwei briew kiba mynsaw kin ïoh ïa ka jingïarap kaba T. 50,000, bad baroh ki jingsumar yn pynbiang da ka sorkar jylla.”
