Kolkata, Naitung:
Ha ka jingjia kaba sngewtriem ha kaba ïadei bad kam thombor pyrshah ïa ka saiñ hima-sima, u nongïalam jong ka Trinamool Congress (TMC) u Rajjak Khan u la shah pynïap ha ka rukom kaba shyrkhei ha ka miet jong ka Sngi Palei ha Bhangar, kaba don ha South 24 Parganas distrik jong ka West Bengal. U Khan, uba shakri ïa ka kam kum u Block President jong ka TMC ha Bhangar, u la shah thombor ha ki runar ki bym shym la lah ban ithuh, ha ka por ba u dang leit phai ïing na Bhangar Bazar.
Kane ka jingjia ka la jia hajan Siristala ha Chaltaberia Gram Panchayat, kaba hap hapoh u pud u sam jong ka jingkhmih ki pulit ka Uttar Kashipore. Katkum ka jingïathuh jong ki nongsakhi bad ka jinglap ba nyngkong jong ki pulit ha ka jingtohkit, la ong ba ka jingleit thombor ka la jia hapdeng ka por 9:45-10:00 mynmiet.
U Khan, uba la shakri kum president ka block jong ka TMC ha Bhangar bad uba dei ruh u briew ba kongsan ha ki kam jong ka seng ha katei ka jaka.
U la shah siat nyngkong eh ha ki bun ngut ki nongthombor ki bym lah ban ithuh. Ka jingkhmih bniah ïa ka met jong u, ka dang ïaid shakhmat.
