Lahduh ka Ri Bhoi & West Khasi Hills ha ka Sub-Junior & Senior State Level Roll Ball C’ship

Ka Meghalaya Roll Ball Association bad ka East Khasi Hills Roll Ball ka la lah ban pynlong ïa ka 1st Sub-Junior bad 2nd Senior State level Roll Ball Championship 2025 ha ka sngi Saitjaiñ ha...

Shillong, Naitung 13

Ka Meghalaya Roll Ball Association bad ka East Khasi Hills Roll Ball ka la lah ban pynlong ïa ka 1st Sub-Junior bad 2nd Senior State level Roll Ball Championship 2025 ha ka sngi Saitjaiñ ha St. Anthony Higher Secondary School, Shillong.

Ha kane ka lympung ïalehkai kaba shi sngi la wan shim bynta da ki khynnah  na saw tylli ki district kiba kynthup ïa ka East Khasi Hills, West Khasi Hills, West Jaiñtia Hills bad ka Ribhoi.

Ha ka Sub-Junior Boys la rah da ka Ribhoi District, ba-ar ka East Khasi Hills bad balai ka West Jaiñtia Hills. Katba ha ka Sub-Junior Girls la rah da ka Ribhoi, ba-ar ka West Khasi Hills bad balai ka East Khasi Hills.

Ka Ri Bhoi ka la rah biang ha ka Senior Boys, ba-ar ka East Khasi Hills bad balai ka West Jaiñtia Hills. Katba ha ka Senior Girls la rah da ka West Khasi Hills, ba-ar ka East Khasi Hills bad balai ka Ribhoi.

Ha kawei pat ka liang ka Meghalaya Roller Skating Association (MRSA) ka la pynlong ïa ka 4th Meghalaya Speed Skating Championship 2025 ha ka sngi Saitjaiñ ha St. Anthony’s Higher Secondary School, Shillong.

Ki jingïalehkai ki kynthup ïa ka Under-4 boys and girls (quads and inline), Under-6 boys and girls (quads and inline), Under-8 boys and girls (quads and inline), Under-10 boys and girls (quads and inline), Under-12 boy’s and girls (quads and inline), Under-14 boys and girls (quads and inline) bad ka Above 14 boys and girls (quads and inline).

La wan shim bynta ha kane ka lympung da ki nongïalehkai na kylleng ka Jylla bad la ïadon lang ha kane ka sngi da u Working President ka  Meghalaya State Olympic Association (MSOA) Bah John F Kharshiing ryngkat ki nongïalam ka MRSA.