Bengaluru, Naitung:
Ka Karnataka High Court ha ka sngi Thohdieng ka la pynsangeh noh ïa ka mukotduma pynjah burom ba la mudui da ka seng BJP ha Karnataka pyrshah ïa u Myntri Rangbah ka jylla u Siddaramaiah halor ka jingkynnoh ba u la pynmih ïa ki jingpynbna ha ka por ba ïalap ilekshon Assembly 2023 hapoh ka jingai kyrteng “Corruption Rate Card”.
U Justice SR Krishna Kumar u la pynsangeh shwa ïa ka jingbishar ïa ka mukotduma pyrshah ïa u Siddaramaiah hadien ba u la bishar ïa ka mukotduma ba u la mudui da kaba buh jingkylli ïa ka jinglong aiñ jong ka mukotduma ba la mudui pyrshah ïa u da ka BJP.
Ka seng BJP ka la mudui pyrshah ïa ka Karnataka Pradesh Congress Committee (KPCC), ïa u Myntri Rangbah u Siddaramaiah, u Symbud Myntri Rangbah ka jylla u DK Shivakumar bad u nongïalam ka seng Congress u Rahul Gandhi, da kaba kynnoh ba ki la pynjah burom lyngba ki jingpynbna ha ki kotkhubor ha ka 5 tarik, Jymmang, 2023.
Ïa ki jingpynbna la pynmih ha ka por ba ïalap ïa ka ilekshon Assembly 2023, da kaba kynnoh ba ka BJP ka dei ka seng kaba bamsap, ha kaba ka la dawa haduh 40% ka Commission na ki kontraktor, bad kiwei kiwei.
Ka High court, ka la pynsangeh noh ïa ka jingbishar pyrshah ïa u Rahul Gandhi, ha u Kyllalyngkot 2025 bad pyrshah ïa u DK Shivakumar, ha ka taïew ba nyngkong jong une u bnai, hadien ba ka la bishar ïa ka jingujor jong ki, pyrshah ïa ka mukotduma, kaba la mudui pyrshah ïa ki.
Ka kaiphot ka la kdew ba na ki 20,616 Cubic Metres jong u shyiap ba la tih ha u snem 2024-25, kumba 5,339.78 Cubic Metres la tih beaiñ na shabar jong ka jaka ba la ai wai ha kane ka thaiñ.
Ha kaba ïadei bad kane ka kam la buh kyrteng na ka bynta ka jingbishar kaba bniah kaba hadien ka ban long ha ka 22 tarik u Nailar, 2025.
