New Delhi, Naitung:
Kumba la khmih, lynti, la ong ba ki jingpyntreikam ha kaba ïadei bad ki kam pynroi ha Amaravati, kin sa long kiba jop hadien ba u Myntri Rangbahduh ka ri, u Narendra Modi, u la ai ka jingkyrshan pisa kumba la kular, la pynthikna ki heh sorkar ha kine ki khyndiat sngi ba la leit.
Ka sorkar synrop ka la pyndep ïa ki kontraktor na ka bynta ki projek kiba heh, ba kynthup ïa ki ïing jong ka Secretariat, Assembly bad High Court building, bad ka dang pynkhreh ban sdang ïa ki kam mar mar hadien ba la dep pyntreikam biang da u Myntri Rangbahduh.
Ka Sub-committee jong ka kynhun Myntri kaba kynthup ïa u Myntri ka tnat pla tyngka u Payyavula Keshav, u Myntri ka tnad Municipal u Ponguru Narayana, bad u Myntri ka tnad sam marbam paidbah u Nadendla Manohar ki la bishar bniah ïa kane ka jingpynkhreh ha Vijayawada ha ka lah sngi U Blei.
Haba kren ha kane ka sngi, u Payyavula Keshav u la kyntu ïa ki ophisar na baroh ki tnad ba kin ïatreilang ban pynlong bad pynthikna ba ka jingleit jong u Myntri Rangbahduh kan long kaba jop bha.
Da kaba khot ïa ka Amaravati kum ka ‘projek kaba bei tyngka hi’, u la ong ba kan ym buh jingkit kaba khia shuh shuh ïa ka pla tyngka jong ka jylla. U la ban jur ïa ka jingdonkam ban pynthikna ïa ka bam, ka um dih bad kiwei kiwei ki jingdonkam ba kongsan na ka bynta ki nongwan bad bthah ïa ki heh sorkar ban pynbha ïa ki surok kiba leit sha ka jaka pynlong ïa ka jingïalang.
U Narayana u la bthah ïa ki heh sorkar ba kin shim khia ban ïada na ka jingdheng kali. Haba kdew ïa ki jingjia ba la dep ha ka por ba u Myntri Rangbahduh u leit sha Chilakaluripet bad Visakhapatnam, u la khot ïa ki lad jingïada kiba pyrkhing bha. U Manohar u la ong ba yn khot sngewbha ïa baroh ki nongïalam saiñ pyrthei ban wan sha katei ka jingïalang paidbah kaba la buh hapdeng ka por 4 baje janmiet haduh ka por 5 baje janmiet, kaba la khmih lynti ba kan khring ïa ki paidbah kumba 5 lak ngut eiei.
Haba shim ïa ki jingïahap bad ka jingkular bym shym la pyndep jong ka kyrdan ba kyrpang (SCS), u Shivaji u la ong, “Lada ki long kiba shisha, kin jin da la pynkylla ïa ka aiñ pynbeit thymmai jong ka AP ban kynthup ïa ka kyrdan ba kyrpang, kumba ki la pynkylla ïa ka aiñ Waqf. Hynrei kim shym la pyrkhat satia.”
U la kynthoh ruh ïa ka jingsngap jar jong ki kynhun ba la ïatreilang hapoh ka NDA, khamtam ïa u heh ka TDP u N Chandrababu Naidu, bad u la dawa ïa ka jingshai na ka sorkar pdeng ha kaba ïadei bad ka pla tyngka jong ka na ka bynta ka Amaravati bad ka lawei jong ka Visakhapatnam Steel Plant.
U Vice President ka APCC u la ong ba ka seng Congress, u nongïalam ki nongrep u Vadde Shobanadreswara Rao, ki kynhun Left, bad ki kynhun rit paid kiba pyrshah ïa ka Waqf Amendment Bill kaba dang shu mynjur dang shen ki ïatylli ha ka jingïatylli jong ki.
“Ngi dang thmu ban pynlong ïa ka jingïakhih lama ïong da kaba suk ha Dharna Chowk ha Vijayawada ha ka 2 tarik, Jymmang, shwa ïa kata yn pynlong ïa ka jingïakynduhlang bad ka jingïamir jingmut ha ka nongbah”, u la bynrap.
