New Delhi, Naitung:
Ka Life Insurance Corporation of India ka la rung ha ka Memorandum of Understanding (MoU) bad ka Department of Rural Development, Ministry of Rural Development, Government of India na ka bynta ban kyntiew ïa ka Bima Sakhi Yojana jong ka ha ki jaka nongkyndong.
Ïa kane ka MoU la ïasoi ha ka por ba la pynlong ïa ka National Conclave on Financial Inclusion – “Anubhuti” – ba la pynlong da ka Ministry naduh ka 8 tarik, Naitung haduh ka 10 tarik, Naitung, 2025 ha Goa.
Ka Bima Sakhi Yojana jong ka LIC ka long kaba la shna kyrpang ban ïarap ïa ki kynthei ban ïoh ïa ka jaka kaba skhem ha ka skhim sam Insurance kaba kamai bha.
Ka dei ka kam ba la leh ban pynbiang ryngkat ki jingïoh myntoi na ka LIC kaba la pynshong nongrim ha ka jingtreikam tang na ka bynta ki kynthei ha kaba, baroh kiwei pat ki jingmyntoi bad ki lad myntoi kiba lah ban ïoh na ka bynta u nongtrei LIC ruh la pynbiang.
La wanrah ïa ka khnang ba ki kynthei kin ïoh ïa ka jinglaitluid ha ka liang ka pisa tyngka ha ka por bajlan bad ban pyndap ïa ka bor ha ka kam karkhana.
Hapoh kane ka skhim la pynbiang ïa ki nongïarap jong ka Bima Sakhi ban ïoh ïa ka jingsiew man u bnai kaba T.7000 ha ka sien kaba nyngkong, T.6000 ha ka sien kaba ar bad T.5000 ha ka snem kaba lai jong ka jingpyntreikam ka kynhun, katkum ki katto katne ki kyndon bad ki jingpynbeit ryntih.
Kumba la shem ba ki thong jong ka Deendayal Antyodaya Yojana – National Rural Livelihood Mission (DAY – NRLM) ba ki long kiba ïadei bad ïahap hapoh ka Bima Sakhi Jajana.
Kane ka MoU ka la rung, ban pyndonkam ïa ka jingïatreilang na ka bynta ka jingmyntoi jong ki longïing ha nongkyndong ha ka jingpyrshang jong ki ban kyntiew ïa ka ïoh ka kot jong ki longïing.
