New Delhi, Naitung:
U Myntri Rangbahduh jong ka ri u Narendra Modi, ha ka Lah Sngi U Blei, u la pynpaw ka jingsngew kyndit kaba khraw halor ka jingjia kaba sngewsih jong ka jinghap ka liengsuiñ ha Dhaka, kaba la shim ïa ka jingim jong 19 ngut ki briew, kiba bun na ki, ki dei ki khynnah skul.
U la phah ka jingsngewlem sha ki longïing kiba la duh noh ïa ki baïeid bathoiñ bad ong ba ka India ka ïeng ha ka jingïatylli bad ka Bangladesh, kaba kloi ban ai ïa ka jingkyrshan katba kot ka bor.
Kane ka jingjia ka la jia ha ka thaiñ Uttara jong ka nongbah Dhaka, jong ka Bangladesh, ha kaba ka liengsuiñ ai jinghikai jong ka Bangladesh Air Force F-7 BGI, ka la hap ha katei ka jaka jong ka Milestone School and College tang hadien ba ka la kiew ha ka por shiteng sngi jong ka lah sngi U Blei.
