Bengaluru, Naitung:
Ym slem hadien ka Axiom-4 mission, ka Mission kaba bud kaba baroh ki riewstad saïan bad ki briew basngewtynnad shaphang ka haw haw ki la ap khmih lynti na ka bynta ka NISAR (NASA-ISRO Synthetic Aperture Radar), ha kaba yn sa pynher ha ka 30 tarik, Naitung.
Ka Indian Space Research Organisation (ISRO) ha ka Lah Sngi U Blei, ka la pynbna ba ïa une u Satellite, ba la shna ha ka jingïatreilang bad ka NASA, la buh por ban pynher ha ka por 5.40 baje janmiet, na Sriharikota. Ka GSLV-F16 jong ka ISRO kan pynher ïa u Satellite NISAR sha ka jingjngai kaba 743kms jong ka jingtawiar ka sngi ha ka jingkynriah kaba 98.4 degree.
Une u dei u Satellite banyngkong eh jong ka India u ban peit bniah ïa ka pyrthei da u Radar ba don ar tylli ki Frequency. Ha ka jingkhia kaba 2,392 kg, une u Satellite ba kyrpang un pyndonkam da u Antenna ba 12m jong ka NASA. Ka NISAR kan peit bniah ïa ka pyrthei da ka jingheh kaba 242 km bad ka jingshai kaba heh ha ka jaka, da kaba pyndonkam ïa ka teknoloji SweepSAR ha ka sien kaba nyngkong, la ong ka ISRO ha ka jingpynbna jong ka.
