Raipur, Naitung:
Kum ka jingïakhun pyrshah ïa ki lehnoh Maoist, ki pulit ka Bastar ki pyrshang ïa ka rukom treikam kaba thymmai – ban leit jngoh sha ki longïing jong ki dkhot ka kynhun lehnoh.
Katkum ka jingong jong ki pulit, kane ka jingpyntreikam ka thmu ban don ki bor pahara – khamtam eh ïa ki Maoist kiba la pyndem noh ïalade ha ki kti jong ka aiñ kiba la shah pynrung ha ka District Reserve Guard (DRG) bad ki shipai Bastar ki ïaleh ban pynsngewthuh ïa ki ba kin kiar na ki kam thombor bad ban phai noh sha ka jingim kaba bha.
Ka jingpynlong ïa ki prokram pynïaid paidbah ha ki shnong, ka jingïakynduh ïa ki dkhot ba la mih jong ka kynhun Maoist kiba la don lypa lyngba ki longïing jong ki bad ka jingpynbor ïa ki ban buh noh ïa ki tiar ïaleh – kata ka dei kaba ki Pulit Bastar ki thmu ban leh da ka jingthmu pyntreikam bathymmai jong ki ka ‘Poona Margham’.
Kum ka jingpynkylla ktien kum ka ‘New Path’ kane ka jingpynbna paidbah ka wan kum shi bynta jong ka jingpynbor jong ka sorkar jylla ban pyrshah ïa ki lehnoh ban ïakynduh ïa ka jingpynbor jong ka sorkar pdeng ha u bnai Lber 2026 pyrshah ïa ka jingpynibor jong ki Maoist. Ka wan ruh hadien katto katne bnai ba ka sorkar jylla ka la wanrah ïa ka ‘Naxal Surrender and Victim Rehabilitation Policy-2025’.
Katkum ka jingong jong ki pulit, kane ka jingpyntreikam ka thmu ban pynlong ïa ki bor pahara – khamtam ïa ki Maoist kiba la pyndem wait kiba la shah pynrung kam ha ka District Reserve Guard (DRG) bad ki Bastar Fighters – ban leit sha ki longïing jong ki dkhot kiba la don lypa bad ban pynsngewthuh ïa ki ban “kiar na ki kam thombor bad ban ïasoh bad ka kynhun paidbah”.
“Ka Poona Margham ka dei ka jingthmu ha kaba ngin pyrshang ban kner sha ki Maoist bad ban pynsuk ïa ki ban wan pyndem wait bad pynïasoh biang ïa ki sha ka imlang sahlang,” ong u Inspector General of Police na ka bynta u Bastar Range Sundarraj P ha ka khubor The Indian Express.
“Ngin pynlong ïa ki prokram bapher bapher ban ïakynduh ïa ki paidbah, ban ïakynduh ïa ka longïing jong ki shipai Maoist kiba la don lypa bad ki rangbah shnong ban pynpaw ïa ka jingdonkam jong ka jingsuk na ka bynta ka roi ka par kaba kynthup lang ïa ka thaiñ.”
Kane ka jingthmu ka kular ruh ban ai jinghikai ban pynroi ïa ki sap, ban kyntiew ïa ka kam seng jam bad ki lad kamai bad ban ai jingmut ha ka liang ka jingmut jingpyrkhat bad ka jingpynrung biang ïa ki Maoist kiba la aiti noh.
Kiwei pat ki lad hapoh kane ka jingïakhih ki kynthup ïa ka jingbteng ïa ki lad jingïarap kum ki jaka sumar, ka jingpynlong ïa ki jingïalehkai bad ki prokram pynïasoh biang ïa ka kolshor.
“Ka jingïalap paidbah ka long ban pynsngewthuh ïa ki dkhot ka kynhun ban sngewthuh ba ka kynhun Maoist ka dang ring mynsiem kaba khatduh bad ba, mynta, ki sah satang tang kawei ka lad – ban kiar na ka jingleh donbor bad ban ïasoh bad ka imlang-sahlang,” la ong u Sundarraj P said.
Ka jingïakhun pyrshah ïa ki lehnoh ha Chhattisgarh ka la nang jur bha naduh ba ka Bharatiya Janata Party (BJP) ka la wan ha ka bor synshar ha kane ka jylla ha u Nohprah 2023.
Naduh katei ka por, palat 400 ngut ki Maoist ki la shah pynïap ha kane ka jylla – 221 ngut tang ha une u snem. Ha kajuh ka por, 38 ngut ki bor pahara bad 97 ngut ki riew paidbah ruh ki la shah pynïap ha ki jingshah thombor ha ki Naxal ha kajuh ka por.
