New Delhi, Naitung:
Ki la don baroh kumba 237 tylli ki projek (40 tylli ki laiñ thymmai, 17 tylli ki jingpynkylla ïa ki jingthew, bad 180 tylli ki jingpynheh ba arsien) kiba jrong baroh 9,703 kms — kiba shongdor kumba 1,90,333 klur — la mynjur ha kylleng ki Indian Railways ha ki lai tylli ki snem mang tyngka ba la dep bad ka mang tyngka ba mynta (FY26), la pynbna ka Parliament ha ka sngi Balang.
U Myntri ka tnat Railways u Ashwini Vaishnaw u la ïathuh ha Lok Sabha, ha ka jingai jubad ha ka jingthoh, ba ha kine ki san snem ba ladep (2022-23, 2023-24, 2024-25) bad ha u snem mang tyngka ba mynta, ki la don 892 tylli ki Survey (267 tylli ki line ba thymmai, 11 tylli ki jingpynkylla ïa ki jingthew jong ka 640 tylli) ha ka jingjngai kaba 61,462 km la dep ban mang ha kylleng ki Indian Railways.
Katba naduh u snem 2009-2014, baroh ki lynti ïaid kjat kiba la pyntreikam ki long na ka bynta 7,599 km (4.2 km ha ka shisngi), baroh ki lynti ïaid kjat kiba la shah kynthup hapoh ka jingmang (8.57 km shisngi) ki long naduh u snem 2014-2025.
“Kum ka jingmih na ka jingthmu ba bniah jong ki projek Railway hapoh ka PM Gati Shakti National Master Plan bad ka jingïatreilang kaba kham bha hapdeng ki nongshim bynta bapher bapher, ka jingmynjur ïa ka jingshakri, ka jingmynjur ïa ki projek bad ka jingstet jong ka jingbuh/pyntreikam ïa ki lynti rel ba thymmai ruh ka la nang kiew,” ong u Myntri.
Ïa ka PM Gati Shakti Institutional Mechanism la pyndonkam bha na ka bynta ki jingthew ïa ka khyndew, ki jingbuh jingthoh ïa ki jaka, ka jingpynbeit ïa ka lynti ïaid bad ka la ïalam sha ka jingkiew ha ka jinglong jingman jong ka jingpynkhreh ïa ka Detailed Project Report bad pynduna ïa ka jinglut jingsep jong ka projek.
Ka Indian Railway ka la sdang ïa ka skhim Amrit Bharat Station kaba thmu ban pynbiang ïa ki jingdonkam ha ka kyrdan pyrthei ïa ki nongleit nongwan bad ban pynbha ïa ka jingtreikam jong ki rel ha ki station rel.
Haduh mynta ki don 1,337 tylli ki steshon kiba la shim ban pynbha thymmai ha ka Amrit Bharat Station Scheme, ong u Myntri.
Ban kyntiew ïa ka jingsngew jong ki nongleit nongwan bad ban ai ïa ka jingleit jingwan kaba suk, la pynrung ïa ki rel Vande Bharat, ki rel Amrit Bharat bad ki rel Namo Bharat Rapid Rail kiba don ïa ki jingdonkam kiba mynta ha ka Indian Railways.
“Ban pynbha ïa ka jingshngaiñ ha ka jingpynïaid ïa ki rel, la pynwandur ïa ka Kavach kum ka National Automatic Train Protection (ATP) system ha ki Indian Railways. Ïa ka kam ban pyntreikam ïa ka Kavach la shim ha ka Mission Mode ha ki tnat Indian Railways,” la ong u Myntri.
Ban pynbha ïa ka jingshngaiñ jong ki rel bad ki nongpyndonkam surok, la pynduh noh ïa baroh ki jaka ïaid lyngba ki Broad Gauge ki bym don ba ap briew.
Shuh shuh, la rai ruh ban bujli noh ïa baroh ki jaka ïaid kali ba don briew ha ka rukom kaba la buh ryntih da kaba shna ïa ki RoB/RUB, u la bynrap shuh shuh.
