Patna, Naitung:
Ka bynta ba nyngkong jong ka Bihar Special Intensive Revision (SIR) ka la dep, bad ki kyrteng jong ki 65.2 lak ngut ki nongthep vote ki lah ban shah kyntait.
Ka jingtip ba la pyllait da ka Election Commission ha ka sngi Thohdieng, kaba dei ka sngi ba khatduh ban pynpoi ïa ki Enumeration Form, ka pyni ba na ki 65.2 lak ngut ki nongthep vote, ha kaba 22 lak ngut ki dei kiba ïap, 35 lak ngut ki dei kiba la kynriah jaka junom shabar jong ka Bihar, 7 lak ngut ki dei kiba la pynrung kyrteng kum ki nongthep vote ha palat ïa kawei ka jaka bad 1.2 lak ngut ki dei kiba ym pat ïohlum ïa ki phom.
Ka Election Commission (EC) ka la ong ba 99.8% ki nongjied jong ka Bihar ki la shah ktah ha ka SIR Exercise, kaba la sdang ha kane ka jylla naduh ka 24 tarik, Jylliew. Na ki 7.9 klur ngut ki nongjied, la ïoh pdiang ïa ki Enumeration Forms jong ki 7.23 klur ngut ki nongjied la ïoh ban pdiang bad buh jingthoh bad ïa ki kyrteng jong ki yn kynthup ha ka Draft Electoral Roll kaba dei ban pynmih ha ka 1 tarik, Nailar.
Ka EC ka la ong ba ki phom Renumeration jong ki 1.2 lak ngut ki thep vote kiba dang sah ki dang hap ban ïoh. Ka kynhun ba dei khmih ha ka ilekshon ka la ong ba ka jingpynlong Digital ïa ki phom jingkheiñ briew, ryngkat bad ki kaiphod BLO, jong ki nongthep vote kiba dang sah ruh yn pyndep ha ka 1 tarik u Nailar.
Ki nongthep vote kiba dei hok kiba la shah iehnoh kyrteng ki dang lah ban pynrung hadien ba la pyndap ïa ki phorm ba la buh ha ka bynta kaba bud jong ka jingpynkhreh hapdeng ka 1 tarik u Nailar bad ka 1 tarik u Nailur, bad ki seng ki lah ruh ban ujor jingpyrshah sha u Electoral Registration Officer (ERO) na ka bynta ban weng noh ïa ki nongthep vote ki bym dei hok, ong ka EC.
Ki seng saiñ pyrthei ki la thep kyrteng lang haduh 1,60813 ngut ki BLA khnang ba ki jingbakla, lada don, yn lah ban pynbeit ha ka Draft Electoral Rolls ka ban sa pynmih ha ka 1tarik Nailar.
Ki sengbhalang ki kynthup ïa ka Congress, kaba la thep kyrteng ïa ki BLA (Booth Level Agents) haduh 17,549 ngut bad ka RJD kaba don B67 ngut. Kiwei pat ki seng saiñ pyrthei kiba la ïoh ïa ki thup kyrteng ki kynthup ïa ka BJP, BSP, CPM, JD(U), RLSP, CPI-ML (Liberation), RLJP, LJP(RV), NPP bad AAP. Haba ïasam ïa ki jingtip ba bniah halor ki BLA jong ki katto katne ki seng, ka EC ka la ïathuh ba ka BJP ka la thep kyrteng ïa kiba heh tam ki long 53,338 ngut, SP3RL, J6000. RLJP 1,913 bad LJP(RV) 1,210.
