New Delhi, Naitung:
Ka Supreme Court (SC) ha ka Lah Sngi U Blei ka la shim khia ïa ka jingpynbna jong ki lad pathai khubor shaphang ki jingjia jong ka jingshah ktah ha ki ksew kiba ïalam sha ka jingpang Rabies bad ka la khot ïa ka “kaba pynthut bad pynsheptieng shibun”. “Ki khubor ba la pynbna, ki long halor ki katto katne kiba sngewtieng, kiba pynthut bad kiba jia shisha,” la ong ka kynhun nongbishar jong u Justice J B Pardiwala bad Justice R Mahadevan.
Kumba la ïathuh ka tyllong khubor, la ong ba man ka sngi, ki ju jia ki jingjia shah dait ksew ha Delhi bad ha ki bynta ba marjan jong ka, ha kaba kane ka pynlong ïa kiba shah dait ba kin ïoh ïa ka jingpang Rabies bad ha kaba kur khambun na ki khyllung khynnah bad kiba la noh rta ki ju long pynban ki jingbam kaba sngewlyng a la ong ba man la ka sngi, da ki spah tylli ki jingshah ktah ha ki kulai ha Delhi bad ha ki jaka ba shabar jong ka, kaba la wanrah ia ka jingpang khlam bad kaba kut, ki khynnah bad ki tymmen ki la long ki lanot jong kane ka jingpang kaba shyrkhei”.
“To ai ba ïa kane ka hukum yn buh ryngkat bad ka khubor ha khmat u Chief Justice of India na ka bynta ki hukum kiba biang,” la bynrap shuh shuh ka kynhun nongbishar.
U MP ka Congress, u Karti Chidambaram, uba la ju pynpaw ïa kane ka mat, u la pdiang sngewbha ïa kane ka sienjam. “Ha kaba kut,” u la thoh ha ka rynsan X, haba ïasam ïa ka khubor, halor ka jinglong kitkhlieh jong ka Supreme Court.
Haba kren ha kawei na ki lad phah khubor ha ka taïew ba la lah, u la ong ba ka dei ka “jingeh kaba jur bha ha ka koit ka khiah bad na ka bynta ka jingshngaiñ” ha India.U la khot ruh ïa ka polisi bathymmai jong ka ri ban tei ïa ki jaka ri ïa ki ksew shang surok ha kylleng ka ri.
Ka sorkar pseng ha ka taïew ba la lah ka la ïathuh ba ka India ka la ïathuh ba palat 37 lak ngut ki briew ki la shah dait ha ki ksew bad 54 ngut ki briew la suba ba ki la ïap na ka jingpang Rabies ha u snem 2024.
Katkum ka jingtip ba la sam da u Myntri ka sorkar pdeng u SP Singh Baghel ha ka Parliament ha ka 22 tarik u Naitung, ka jingdon jong baroh ki briew kiba shah dait ha ki ksew ka long 37,17,336 ngut, katba ka jingdon jong ki briew kiba la suba ba ki ïap na ka jingpang Rabies ki long 54 ngut ha u snem ba la lah.
