Chennai, Naitung:
U nongïalam ka liang pyrshah bad u General Secretary ka AIADMK, u Edappadi Palaniswami (EPS) u la ong ha ka sngi Thohdieng jong ka taïew ba la lah ba ïa ki jingïakren hapdeng ki seng ba la ïatreilang ym lah ban pynpaw paidbah, wat haba u la pynkynmaw biang ïa ka jingkynnoh ba lada jia ba ka kynhun National Democratic Alliance (NDA) ka ïoh ïa ka jingjop ha ka jingïakhun ilekshon 2026 ka ban wan ha Tamil Nadu, ka seng jong u kan thaw sorkar ha ryngkat ka jingbun paid.
Haba kren sha ki nongthoh khubor hadien ba la pynlong ïa ka jingïaïaid paidbah ha baroh kawei ka jylla ha Pudukkottai, u EPS u la ong, “Ngi la kren shai (shaphang ban thaw ïa ka sorkar da ka jingbun paid).”
“Nga lah ban ong tang katto katne kiei kiei sha ki lad pathai khubor. Ki don katto katne kiei kiei kiba ngam lah ban kren. Ka seng saiñpyrthei ka lah ban pynpaw tang katto katne kiei kiei. Ka dei hapdeng ki seng ba la ïatreilang,” u la bynrap.
Kane ka jingkren jong u ka la mih shisngi shwa ka jingleit jngoh jong u Myntri Rangbahduh ka ri u Narendra Modi sha Tamil Nadu, kaba la buh ban long ha ka 26 tarik Naitung.
U Myntri Rangbahduh ka ri u dei ban leit sha ka jingrakhe lyngkhuh sngi kha jong u syiem Chola u Rajendra Chola, kumjuh ruh ban plie ïa ki katto katne ki projek ha Thoothukudi.
Shwa ïa kane, u Myntri ka tnat ki kam pohïing ka sorkar pdeng u Amit Shah u la ong ba kane ka synjuk kan thaw ïa ka sorkar synrop lada jia ba jop ha ka jingthep vote.
U EPS u la pynjngai ruh ïalade na u nongïalam barim ka AIADMK, u TTV Dhinkaran, uba ka kynhun ba la ïakhlad noh jong u- ka Amma Makkal Munnetra Kazhagam (AMMK), ka dei ruh ka bynta jong ka NDA.
U Dhinkaran u la shah beh na ka seng AIADMK ha u snem 2017. Kham hashwa u la pynpaw ïa ka jingkyrmen ban long shi bynta jong ka sorkar synrop ba la pynïeng da u Shah.
“Ngam don eiei ban ong halor ka jingdon jong u ha ka jingïateh lok. Wat kylli ïa nga shaphang jong u. Kaba kongsan ïa ngi ka long tang ba ka AIADMK bad ka BJP ki don ha ka jingïateh lok”, la ong u EPS.
Ka EPS ka la pyndonkam ruh ïa katei ka kabu ban thombor ïa ka sorkar DMK kaba synshar.
Kum shi bynta jong ka jingïakhih jong u, u la kyntu ïa ki briew ban ai jingkheiñ ïa ka jingtreikam jong ka sorkar ha ka liang ka synshar khadar ha kine ki saw snem ba la dep.
U la kynnoh ruh ïa ka sorkar ba ka la pynpaw pyrthei ïa ki jingdawa kiba la pynpaw pyrthei (HATO U KDEW ÏA KANO KANO KA JINGDAWAI KYRKHANG?) Ki kot lyngkdop kiba don ïa ka thup jong ki jingkular elekshon jong ka DMK ki bym shym la pyndep yn sam na ki jingkhang sha ki jingkhang, u la ong, da kaba bynrap ba yn bthah ïa ki briew ban buh dak ïa ka jingtreikam jong ka sorkar na ka 10 tylli.
Haba kynthoh ïa ki jingkren jong ka EPS, u Dhinakaran u la ong ba baroh ki seng ha ka jylla hapoh ka lama jong ka NDA ki ïatylli lang da ka jingthmu kaba marwei ban pynliem ïa ka DMK.
“Lada don ki briew ki bym kwah ban kam ba ngi don bynta ha ka jingïateh lok, ka dei ka jingeh jong ki, ka jingmut jong ngi ka long kumjuh bad ka jingmut jong u Myntri ka tnat ki kam pohïing ka sorkar pdeng (halor ka jingthaw ïa ka sorkar synrop lang)”, la ong u Dhinakaran haba kren sha ki nongthoh khubor.
Ha kajuh ka por, u Symbud Myntri Rangbah ka jylla u Udhayanidhi Stalin u la kynthoh ïa u EPS ba u la plie lad ïa ka BJP ban wan rung ha kane ka jylla.
“Man uwei pa uwei u nongthep vote ha Tamil Nadu u dei ban pynshitom ïa u namar ba u la shet kylla ïa ka jylla da kaba ïasoh biang bad ki hadien ba u la iehnoh ïa ka jingïateh lok”, la ong u Udhayanidhi.
