Shimla, Nailar:
Ka Kynhun Myntri jong ka Himachal Pradesh, ka la mynjur ban pynsangeh noh ïa ki 172 tylli ki projek um barit, kiba don hapoh 5 MW ka jinglah jong kawei pa kawei, hapoh ka Himachal Pradesh Energy Development Agency (HIMURJA), ha kaba la kynnoh ba ka jingtei, ka la sahkut slem bha.
Ka sorkar jylla kan pynbna biang ïa kine ki projek, katkum ka rai ba la shim ha ka jingïalang jong ka kynhun Myntri. La shim ruh ïa ka rai ban pyntreikam ryntih ïa ka jingsam bording ei kaba long 12 percent, ryngkat bad ka jingdap sa shi percent na ka bynta ka Local Area Development Fund, na ka bynta baroh ki hydro project haduh 5 MW ki ban sa mang ha ki por ban wan.
Ka kynhun Myntri ka la mynjur shuh shuh ban weng noh ïa ki 22 tylli ki projek pynmih bording kiba palat ïa ka 5 MW, kiba la mang mynshwa da ka Directorate of Energy, ha kaba ym shym la ïasoi ïa ki jingïateh ban pyntreikam. Na ka bynta ki projek kiba dang sah, la ai por ïa ki nongpynroi haduh ka 5 tarik u Nailar 2025 ban aiti ïa ki jubab sha ki jingpynbna ba la pynpoi.
Yn thaw ïa ka komiti ban ïakren bad ki 14 ngut ki nongpynroi projek na ka bynta ka jingpynbeit shabar jong ka iingbishar ban pynphai biang ïa ka pisa ba kongsan jong ka bai lutksan ba la siew lypa, khlem da siew sut.
La mynjur ruh ïa ki jingpynkylla ha ki kyndon jong ka Himachal Pradesh Minor Minerals (Concession) and Minerals (Prevention of Illegal Mining, Transportation and Storage) Rules, 2015.
