Bengaluru, Nailar:
Katba nang mih ki sngi, ki nongrep ki la pynpaw ba ki la nang ïakynduh jingeh shuh shuh ha kaba ïadei bad ki kam rep jong ki khamtam ha kum kane ka por ba dei ka aïom rep.
Kumba la wad sani bha, la paw ba kaei kaba la pynlong ïa ka jingduna jong ka urea?
Katba ka jingïakynnoh bad kdew kti mar kylliang hapdeng ka sorkar jylla bad ka sorkar pdeng halor ka jingduna sboh, ki don shibun ki daw kiba don ha kane ka bynta.
Ban batai ïa kane, la ong ba ka don ka jingpyndonkam palat ïa ki sboh namar ka jingkylla kynsan ha ka rukom thung, bad ka jingthung biang kaba donkam namar u slap uba jur.
Nangta ka don ka jingkiew ha ka rep ka riang, kaba pynkiew ïa ka jingdawa ïa ka sboh Urea bad kiwei kiwei ki sboh.
Ki riew shemphang ki ong ba donkam ban pynphriang ïa ka jingtip shaphang ka jingpyndonkam palat ïa ki sboh.
Ka Karnataka ka donkam 4lak ton ka DAP na ka bynta ka aïom Lyiur kaba dang ïaid, bad palat 2lak ton na ka bynta ka aïom Tlang.
Ka sorkar pdeng ka ai ïa ka DAP sha ki jylla katkum ka jingpyndonkam jong ki ha kine ki lai snem ba la dep.
Ïa ka jingbun jong ka DAP ban pynbiang na ka bynta ka aïom Lyiur la mang ha u bnai Kyllalyngkot, bad na ka bynta ka aïom Tlang ha u bnai, Naitung.
Haduh u Lber, 2025, ka don 3.6 lak MT ka Urea kaba don ha ka stok ha Karnataka.
Ka sorkar jylla ka la pan 6.4 lak MT ka Urea, ha kaba ka sorkar pdeng ka la mang 5.1 lak. Da ka stok kaba kham mynshwa bad kane, ka la don 8.7 lak MT ka urea kaba lah ban ïoh ha ka jylla. Ka sorkar pdeng ka dang hap ban pynbiang 1.3 lak MT.
Katkum ki tyllong khubor na ka tnad rep, ha ka liang ka jingstad saïan, baroh ar ka sorkar jylla bad ka sorkar pdeng ki long kiba dei ha ka liang ka jingdawa bad jingpynbiang.
Ka jingduna jong ka urea ka don ki daw bapher bapher — ban sdang, ka la don ka jingdawa kaba kham bun ïa ka urea. Katba ka dor jong u kynphad ka nang hiar, ki nongrep ki la kylla noh ban rep riewhadem.
Katba ka jingrep kynphad ka la pynduhnong palat, kynthup ka dor jong ki nongbylla, ka dawai pynïap khñiang bad u jingthung ba 145 sngi, u riewhadem u la hiar dor bad la lah ban pynsan ha ki 120 sngi.
Ka jingpyndonkam palat ïa ka sboh Urea kam long kaba bha. Kane ka ktah ïa ka koit ka khiah jong ka khyndew.
Ka jingdon jong ka carbon ha ka khyndew (ka carbon kaba la shem hapoh ki kynja met jong ka khyndew kaba la ïoh na ki jingthung bad ki mrad kiba la pyut) kaba la long 0.5 percent kumba 15 snem mynshuwa, mynta ka la hiar sha ka 0.32 percent.
Ki riewstad, namarkata, ki ai jingmut ban pyndonkam da ka sboh ba shna hi ka ban ïarap ban pynbha bad pynsboh ïa ka khyndew.
