Bengaluru, Nailar:
U Myntri Rangbah jong ka jylla Karnataka u Siddaramaiah ha ka sngi u Blei u la kynthoh jur ïa ka BJP bad ïa ki seng ba kyrshan ïa ki Hindu halor ka jingkynnoh ba uwei u dkhot ka Sri Rama Sene bad ki arngut ki paralok jong u ki la ai bih ïa ka um dih ha ka skul sorkar kaba don ha ka shnong Hulikatti jong ka Savadatti taluk ha Belagavi distrik. La kynnoh ba ki la thaw ïa ka jingthmu ban pynkynriah kam ïa u nongpynïaid skul namar ba u dei u Muslim.
U la ai khublei ïa ki pulit kiba la “pynduh ïa ka jingthmu sniew ban pynïap ïa ki khynnah”, bad pynpaw ïa ka jingshaniah ba ka tnad bishar kan pynpoi ïa ka
“Ki nongïalam ka BJP kiba bet ïa ka jingshun ha ka imlang-sahlang na ka bynta ka jingmyntoi saiñ hima sima ha ka kyrteng jong ka niam ki dei ban bishar bniah ïalade. “Da ka jingthmu ba sniew ban pynkynriah kam ïa u Headmaster, la kem ïa u Sagar Patil, u President ka taluk jong ka Sri Ram Sene, ryngkat bad arngut kiwei pat, namar ba ki la pynsniew ïa ka um dih jong ki khynnah skul.Ha kane ka jingjia kaba la jia 15 sngi hashwa, katto katne ngut ki khynnah ki la kem pang, hynrei donbok ba ym don ba duh ïala kajong ka jingim,” u la ong.
“… Ha ka ri jong ki Sharana, kiba la pynbna, ‘ka jingsngewrit ka dei ka tynrai jong ka niam,’ kumno kum kane ka jingleh be-ijot bad jingshun kan mih? Wat ha kane ka khyllipmat ruh, ngam lah ban ngeit. Ki nongïalam BJP kiba bet ïa ka jingshun ha ka imlang sahlang ha ka kyrteng jong ka niam ban pynmyntoi ha ka kam saiñ pyrthei jong ki, ki dei ban peit bniah ïalade”, u la ong.
