Chennai, Nailar:
U Myntri Rangbah barim ka jylla, uba dei u khlieh jong ka AIADMK Cadres Rights Retrieval Committee (ACRRC) ha ka lah sngi U Blei u la kyntait pyrshah halor ki khubor ba un trei kum ka B Team jong ka DMK bad kumjuh ruh ba u
“Kam don wat tang shi sohphit ruh ka jingshisha ha kine ki jingkynnoh”, la ong u Panneerselvam ha ka kyrwoh hangne bad bynrap ba kam shym la don kano kano ka politik ha ka jingïakynduh jong u bad u Myntri Rangbah ka jylla u MK Stalin lait noh tang ban kylli bad tohkit bniah ïa ka koit ka khiah jong u.
“Ka jingkhot ïa ki briew kiba wanphai na hospital bad ka jingsngewlem ïa kito kiba la duh noh ïa kiba ïeid, ka dei ka kolshor jong ki Tamil. Haba ka kmie jong nga ka la khlad noh, u Myntri Rangbah u la khot ïa nga ban pynpaw ka jingsngewlem,” la ong u Panneerselvam.
U la pynshai ruh ba u la ïaid ha ka lynti ba la pyni da ki nongïalam ba la khlad noh u MG Ramachandran bad ka J Jayalalithaa bad u angnud ban wanrah biang ïa ka jingsynshar jong ka Amma (J Jayalalithaa) ha Tamil Nadu ha ka ilekshon Assembly 2026.
U Panneerselvam u la pynpaw ba ka jingkren jong u halor ka pisa jong ka Samagra Shiksha ha ka 29 tarik, Naitung, kam dei kaba nyngkong halor kane ka phang. U la ong ba jan shisnem mynshwa, u la buh ïa kane ka jingdawa hakhmat ka sorkar pdeng bad pynrem ïa ki Hindu Munnani, kiba la kynthoh ïa ki nongïalam ba la khlad noh u Periyar bad u Arignar Anna ha ka 25 tarik, Jylliew.
Nalor kata, haba u president barim ka BJP jylla u la kynthoh ïa ka Jayalalithaa, u la pynrem jur ïa u lyngba ka jingpynbna ha ka 12 tarik u Jylliew, 2023. U Panneerselvam u la pynpaw ruh ba u la buh ïa ka jingmut jong u ban kyrshan ïa ka polisi ar ktien ha Tamil Nadu.
