Jowai, Nailar 10
Ka Dongmihsngi, Loomïong-kjam, Mynsngat, Panaliar, Catholic Youth, Kumpyrtuh, Ladthadlaboh bad Khimusniang ki la jam sha ka quarter final ha ka Independence Day Cup U-17 Football Tournament 2025 ba pynïaid da ka West Jaiñtia District Sports Association (WJDSA) ha Kiang Nangbah Stadium, Jowai.
Ha ka jingïalehkai kaba la long ha ka sngi Saitjaiñ, ka Loomiongkjam ka la pynliem noh ïa ka Sohmynting lyngba ka shi kol ba la thep da u Daskem Chyrmang (57).
Ha ka jingïalehkai kaba bud, ka Panaliar ka la jop ïa ka Chilliangraij lyngba ka tie-breaker da 4-3 kol hadien ba ka jingïakhun haduh ka por ba la buh ki la ïakhaid mar 1-1 kol.
Ka Chilliangraij ka la pynkhih jar nyngkong eh lymgba u Hopingson Khlem (36), hynrei ka Panaliar ka la pynïakhaid kylla lyngba u Lewao Sumer (56).
Ha kawei pat ka jingïa -lehkai ka Lumpuyrtuh SC ka la pynrem ïa ka Mookyrdup SC d 4-0 kol. U Serene Dkhar u la khur ïa ka hat-trick hadien ba u la thep ha ka minit kaba 9, 44 & 56, katba ïa kawei pat da u Wansukmi Phawa (38).
Ha ka jingïalehkai kaba khatduh, ka Khimu-sniang ka la pynliem noh ïa ka Mookymphad lyngba ka tie-breaker da 4-3 kol.
Na ka liang ki bor pynïaid ki la pynbna ïa ki jingïakhun quarter final yn bteng ha ka 11 tarik bad 12 tarik mynta u bnai ha ka por 1 baje bad 3 baje nohphai sngi.
