Ranchi, Naiwieng:
Ka sorkar Jharkhand kumba ka la buh ïa ka thong ban lah ban pynrung kham bun ïa ki kam, ka la ïaid shakhmat ban bteng ïa ki lad pynmihkam khnang ban ai jingmyntoi ïa ki nongshong shnong. kyrteng jong ki nongwadkam-wadjam lyngba ka ‘Portarl’ ba la pynmih na ka bynta ban pynrung kyrteng ïa ki nongwad kam ha ki kompeni jong ki riewshimet.
Ka sorkar kumba ka la thmu ban pyntreikam da ka jingbhah kam kaba 75 per cent sha ki nongshong shnong ha ki kompeni kiba ha ka thaiñ ha u u snem ba la lah, mynta ka la pyrshang ban ïaid shakhmat ha kaba ïadei bad kane ka jingthmu ban ai jingmyntoi ïa ki nongshong shnong.
Ki heh ba dei khmih, ki la ong ba ki jingthmu pyntreikam ha kaba ïadei bad kane ka la sdang ban ïaid shakhmat.
Kumba la ïathuh la ong ba ïa ka Jharkhand State Employment of Local Candidates in Private Sector Bill, 2021 la pdiang na ka bynta ka jingpyntreikam ha u Nailur jong u snem ba la lah ha kaba hapoh kane, la mang kumba 75 per cent ka bhah na ka bynta ki nongshong shnong na ka bynta ka kam ha ryngkat ka tulop kaba man u bnai kaba long da T. 40,000 ha ki kompeni jong ki riewshimet bad la ong ba la pyntikna ban pyntreikam halor kane.
Kumba la long na kane ka aiñ la ong ba “ha ka por ba la don ka jingpyntreikam na ka bynta ki nongthep kam jong ka thaiñ la ong ba yn sa khmih bniah ïa ka jingdon jong ki ha ki kyrdan pule katkum ki distrik ba ki wan bad katkum ki kynhun jait bynriew ba ki wan”.
Kum shi bynta ban ai mynsiem halor ka jingthmu ban ïaid shakhmat ha kaba ïadei bad ki jingpyntreikam kiba bun na ki riewsaiñ pyrthei jong ki seng bapher bapher, ki la ong ba kane ka aiñ kan sa ïaid ban treikam ha une u snem mar ïa dep ban pynbiang ïa ka Portal, kaba la buh na ka bynta ka jingpynrung kyrteng ïa ki nongwad kam jong ki kompeni jong ki riewshimet ki ban treikam ha Jharkhand.
“Ka Portal kan sa biang, bad lah ban pyntreikam hadien ba la pynkhreh, yn sa pynbna paidbah ïa ka jinglah ban treikam jong ka lyngba ki kompeni kiba dei ban pynrung kyrteng halor kane,” la ong u heh ba dei khmih.
Ki la ong ba kane ka long ka lad ai jingmyntoi ïa ki samla wad kam hapoh ka jylla hynrei la buh jingmaham ruh ïa ka sorkar ba lada kam lah ban pyntreikam pyrkhing, ki nongshong shnong kin sa shem shitom ha kaba ïadei bad ka jingïohkam ïohjam hapoh kane ka skhim.
“Wat lada ka lad pyntreikam ka long kaba bha eh, ka sorkar jylla ka la dei ban pyntikna ba ïa kane ka jingpyntreikam la dei ban pyntreikam pyrkhing,” la bynrap ki heh ba dei khmih.
Hashwa kane, u Myntri Rangbah jong ka jylla u Hemant Soren u la pynpaw ïa ka jinglah jong u ban pyntreikam ha kaba ïadei bad ki lad thung kam- thung-jam ha ka jylla.
