Chennai, Nailar:
Ka Vellore Institute of Technology (VIT), Chennai ka la sam ïa ki khusnam halor ka jingtbit bha jong ki samla pule barim jong ka ha ka Crystal Connexions Alumni Meet kaba la pynlong ha ka 15tarik, Nailar 2025.
Ha kane ka sngi u Cinema Icon bad u dkhot jong ka ïing dorbar u Dr. Kamal Haasan, u la ïashim bynta kum u kongsan ha kane ka sngi, u Founder-Chancellor ka VIT u Dr. G. Viswanathan u la pynïaid ïa ka prokram bad u VIT Vice-President Dr. G.V. Selvam u la pdiang sngewbha ïa kane ka jingïalang.
U Dr. Kamal Haasan ha ka jingkren jong u u la ong ba ki samla ki dei ban ïakynduh ïa ki jingshah rem da ka jingshlur ha ka jingim bad ban ïaid shakhmat sha ka jingjop.
“Ngim ju kren shaphang ka jinglaitluid- ka jinglaitluid ban rem, khlem kata ym lah ban don ka jingpynwandur thymmai, namar ka ri kaba tieng ïa ka jingshahrem kan ym lap satia ïa ka jinglah ba shisha jong ka. Ha India, ïa ka jingshahrem, ruh, la ju ñiew kum ka jingpynshitom ïa ka jingim, bad kata ka jingtieng ka pynïap ïa ki jingphohsniew kiba kham bun ban ïa kaba ka jingduk kan lah ban leh,” u la ong.
Da kaba pyni ba ha man la ka jingïathuhkhana jong ka jingjop ki briew ki sngewtynnad ïa ka jingpynkylla kaba jrong jong ki jingbymlah kiba kim pat ju ïohi. “Katba phi nang rem, katta phi nang nang stad, lada ka jinglaitluid ka mut eiei, ka mut ka hok ban hiar ban kiew khlem jingtieng”, u la bynrap.
Da kaba ai nuksa ïa ka Startup Ecosystem, u Dr. Kamal Haasan u la ong ba na ka shispah tylli ki jingmut, 90 tylli ki pulom ha ki san snem ba nyngkong. “Ha Silicon Valley, ïa kata la ïohi kum ka jingshemphang kaba la ïoh.Ha India, la peit da ka jinglehraiñ”, u la ong.
U nongseng bad u Chancellor jong ka VIT u Dr. G. Viswanathan ha ka jingkren jong u kum u president u la ong ba u ngeit skhem ba tang ka jingnang jingstad, khamtam eh ka jingpule kaba kham shajrong ka lah ban pynlong ïa ka ri India, ka ri kaba la kiew shaphrang. “Baroh ngi kwah ba ka India kan long ka ri kaba la kiew, ka long kaba lah tang da ka jingïarap jong ka jingpule kaba kham shalor bad hooid ka lad ban trei”, u la bynrap.
U Vice President ka VIT u Dr. G.V. Selvam ha ka jingkren jong u u la ong ba ki samla pule ki kylla long ki nongseng kam seng jam bad ki ai kam ai jam ïa kiwei ban ïa kaba wad kam wad jam. “Na ka bynta kito kiba leit shabar na ka bynta ka kamai kajih jong ki, ngan ong-leit shata, pule hangta, kamai hangta bad wan phai bad shakri ïa la kajong ka ri ka India. Pule, kamai bad wan phai. Wat long u nongwad kam, long u nongthaw kam. Phi dei ban ai kam ïa kiwei”, u la ong.
U Dr. V. S. Kanchana Bhaaskaran, Vice Chancellor, VIT, Dr. T. Thyagarajan, Pro Vice Chancellor, VIT Chennai, Dr. K. Sathiyanarayanan, Director, VIT Chennai, Dr. P.K.Manoharan, Additional Registrar, VIT Chennai bad Dr. Manojkumar Rajagopal, President, Institutional Chennai Chapter, VIT Alumni Association (VITAA) ruh ki la ïashim bynta ha kane ka prokram.
