Thiruvananthapuram, Nailar:
U Lat ka jylla u Rajendra Arlekar u la khot bad ai jingmut na ka bynta ban buh ïa ka jingai jinghikai ha ka kam shipai kaba dei ban pynlong na ka bynta ki samla, da kaba kdew ba kan pynrung ïa ka jinglong ba don akor bad ka jingsngew ïeid ri hapdeng jong ki.
U la kren ha ka jingïalang ai khublei ïa ki riewshlur ha Pangode Military Station ha Thiruvananthapuram ha ka lah sngi U Blei.
“Ka jingsngew ba don ka jinglong ryntih, ka jingpynshlur bad ka jingbym len lade jong ki shipai jong ngi kam dei ban shah pynthut, hynrei dei ban pynneh pynsah bad pynrung ha ka pateng ban wan. Ki shipai ki long ka nuksa na ka bynta ka imlang sahlang baroh kawei. Ki buh ïa ki kyndon kiba jrong bha bad ki ai mynsiem ïa kiwei pat. Kumta, ka dei ka kamram jong ka jaitbynriew bad ka imlang-sahlang baroh kawei ban burom ïa ki,” la ong u Lat.
U la bynrap ruh ba ka burom ka wan hi dalade ha ki shipai, namar ki la buh ïa ka jaitbynriew hakhmat eh bad ki aiti ïa ka jingim jong ki na ka bynta ka jaitbynriew baroh kawei.”Ki shipai ki jied ban kyndit khnang ba baroh ngi ïohthiah suk,” u la ong.
