Chennai, Nailar:
Kum ka jingkyntait ïa ki jingkynnoh ba u General Secretary ka AIADMK u Edappadi K Palaniswami u la sngewsih ïa u Myntri ka tnat ki kam pohïing jong ka sorkar pdeng u Amit Shah namar ba um shym la jied ïa u kum u kyrtong Myntri Rangbah jong ka kynhun NDA ha Tamil Nadu ha ka por ba u leit sha Tirunelveli, u President ka BJP ka jylla u Nainar Nagendran ha ka sngi U Blei u la ong “Ym don ba duh jingkyrmen. U EPS u la khlieh ïa ka kynhun NDA ha Tamil Nadu.”
Haba ïakren bad ki lad pathai khubor ha Tiruchy, u nongïalam ka BJP ha ka jingkylli hato ka NDA kan thaw ïa ka sorkar ban wan marwei ne ryngkat bad ki paralok, u la kyntu ïa ki nongthoh khubor ba kim dei ban pynleit jingmut ha ki jingïakren bym donkam.
Haba kyntait ïa ki jingkynnoh ba don ka jingïakynad hapdeng ka BJP bad ka AIADMK, u Nagenthran u la ong ba ka BJP ka dei ka seng riewlum kaba don palat 1,200 ngut ki MLA bad 330 ngut ki MP.
“Kito kiba kam ba ka jingïateh lok jong ka AIADMK-BJP kam ïahap ki dei ban ong shwa katno ngut ki MP ne MLA ki don, ka jong ngi ka dei ka jingiateh lok kaba skhem”, u la bynrap.
