Patna, Nailur:
U nongïalam jong ka seng Rashtriya Janata Dal (RJD) u Tejashwi Prasad Yadav ha ka sngi Balang u la bthah ïa ki heh nongïalam jong ka seng ba kin pynthikna ba ki kyrteng jong ki nongthep vote kiba la shah pyndam na ka thup pynrung kyrteng ki dei ban shah kynthup biang, katba ka dang ïaid ka jingpynkhreh na ka bynta ka ilekshon Assembly ha Bihar.
Ha ka jingïalang ba la pynlong, kaba la neh haduh ar kynta, la leit ban ïashim bynta da ki MP ka RJD, ki MLA, ki MLC, ki President ka distrik bad ki kyrtong kiba la ïakhun ïa ki polls ba dang shu dep.
La kyntu ïa ki nongïalam jong ka seng ban pynthikna ba ki kyrteng jong ki nongthep vote kiba la sahkut ha ki jingpynrung kyrteng ki dei ban shah pynrung biang bad ban long ïa ka jingïalap paidbah ban kyntait ïa ki kyrteng kiba thok.
U la wer ruh ïa ki na ka bynta ban don bynta ha ka jingpynkhreh ïa ka ilekshon da ka jingtrei shitom bad ban pynpaw pyrthei ïa ki jingkular ba la buh da ka seng ha ka jingïalap paidbah ban pynlong hashwa ka ilekshon.
