New Delhi, Nailur:
Ïa ka Power Grid Corporation of India Limited (POWERGRID), ka Maharatna CPSU kaba hap hapoh ka Ministry of Power, Government of India, la pynkup burom da ka khusnam SCOPE Eminence Award for Human Resource Management da ka President ba donburom ka India ka Droupadi Murmu ha ka 29 tarik Nailar 2025 ha ka jingïalang kaba la long ha Vigyan Bhawan, New Delhi.
Ïa kane ka khusnam la pdiang da u Sh. Ravindra Kumar Tyagi, Chairman bad Managing Director ka POWERGRID ryngkat u Dr. Yatindra Dwivedi, Director (Personel), POWERGRID. Ha kane ka sngi u Sh. Pankaj Chaudhary, u Myntri khynnah ka tnat pla tyngka ka sorkar pdeng bad u Sh. K. Moses Chalai, Secretary, DPE, Ministry of Finance ki la ïadonlang ryngkat ki heh ophisar jong ki CPSUs, SCOPE bad POWERGRID.
Kane ka jingithuh ka pynpaw ïa ki rukom treikam ba ïaid shaphrang jong ka POWERGRID kiba pynksan ïa ki polisi kiba pynleit jingmut ha ki nongtrei, ka jingpyntbit ba bteng bad ka jingpynroi ïa ki nongïalam, katba ka pynroi ïa ka kolshor jong ka jingpynthymmai, ka jingpynrung lang, bad ka jingbha jingmiat ba pura ha kylleng ka kynhun.
Haduh ka 31 tarik u Naitung, 2025, ka POWERGRID ka la treikam bad pyntreikam ïa ki 286 tylli ki Sub- Station bad palat 1,80,849 ckm ki laiñ pynpoi bording bad 5,74,331 MVA ka bor pynkylla bording. Da ka jingpdiang ïa ki tiar bad ki buit ba thymmai tam, ka jingpynbha ïa ka jingpyndonkam ïa ki jingpyntreikam hi bad ki jingpynbeit Digital, ka POWERGRID ka la lah ban pynneh ïa ka jingdon jong ka rukom pynpoi bor kaba pdeng kaba palat ïa ka 99.85%.
