Jowai, Nailur 05
Ka lympung ïalehkai 1st Division Football League ba la pynïaid da ka East Jaiñtia Hills District Football Association (EJHDFA) kan sdang ha ka 8 tarik mynta u bnai ha madan artificial turf Diengshynrum, Khliehriat.
Ha kane ka lympung kin don 16 tylli ki kynhun ïalehkai kiba kynthup ïa ka Byndihati CSC, Ladrymbai Dongwah SWSC, Pamrakmai SCSC, Musniang SC, R. Madanpynriang SC, Sutnga Mission SSCC, Khliehriat West YWSC, R. Ïawpynsing SC, Rngad SCSC, R. Wahshnong SC, Bataw YWSC, R. Synrangshahkhaiñ SC, Mukhaïalong SCSC, Wahïajer Narpuh SSC, Ïatyllilang SC Hingaria bad ka Jalyiah United SC.
Ki kynhun kiba ïakynduh ha katei ka sngi sdang kan long hapdeng ka Byndihati CSC pyrshah ïa ka R. Wahshnong SC ha ka por 12 baje mynsngi, katba ka Ladrymbai Dongwah SWSC ïa ka Rngad SCSC ha ka por 2:15 nohphai sngi.
