Chennai, Nailur:
Kumba la pynbna, la ong ba ka Tamil Nadu ka la pynskhem ïa ki jingkular ban bei tyngka kiba shongdor haduh T. 7,020 klur ha ka jingleit jong u Myntri Rangbah ka jylla u M K Stalin sha Germany kum shi bynta jong ka jingleit jong u kaba man ka taïew sha Europe, da kaba pynkhlaiñ ïa ka jingpynbor jong ka jylla ban buh hi dalade kum ka jaka shna jingshna jong ka ri India bad pdeng jong ka R&D.
Ha ka TN Investment Comclave ha Germany, ki la don kumba 23 tylli ki Memorandums of Understanding (MoUs) ba la soi da ki kompeni na ka bynta T. 3,819 klur tyngka ha ki projek kiba la khmih lynti ban pynmih 9,070 tylli ki kam.
Haba ïanujor bad ki lai tylli ki jaka die mar ba la dep pynbna kham mynshwa T.2,000 klur na ka Knor-Bremse, T. 1,000 klur tyngka na Nodex Group, bad T. 201 klur na ka ebm-papst – baroh kawei ka MoU ba la ïasoi ha Germany ka ïeng ha ka kyrdan kaba 26 da kaba lah ban pynmih 15,300 tylli ki kam.
Katto katne na ki jingkular ki wan na ki nongbei tyngka kiba la don lypa.
Ka Herrenknecht kompeni jong ka BASF bad ka Witzenmann India baroh ki la ïasoi na ka bynta ban pynkhlaiñ ïa ka jingpyntreikam ka bathymmai, da kaba pynpaw ïa kaei kaba ki heh sorkar ki la batai kum ka jingshaniah ha ka “jingwan khaïi pateng jong ka karkhana” bad ka jinglong ka polisi kaba skhem.
Napdeng ki jingpynbna kiba kham heh, ki Venys Energy kin bei T.1,068 klur ha ka rukom treikam kaba thymmai, da kaba pynmih palat 5,200 tylli ki kam.
Ka jingpyntreikam ha kaba ïadei bad ka mariang jong ka BASF bad ka tiar pyntreikam yn sa nang pynbun ha ka jingpyntreikam ha Chengalpattu.
Ka Bella Premier Happy Hygiene kaba ha Poland ka la rai ban nang pynïar shuh shuh sa T 300 klur ha ka jingpyntreikam ban pynkhuid ïa ki jaboh bad ki dawai ba la shna na ki jingthung ha Dindigul.
Ka Herreknecht, ka nongïalam ha ka pyrthei ha ka liang ki mashin kiba treikam na ka bynta ban tan um, kan sa nang pynkhlaiñ shuh shuh ïa ka jaka treikam ha Chennai ban shakri ïa ki projek kiba heh bad kiba don harud duriaw.
Ha kawei pat ka bynta, ka Guidance Tamil Nadu ka la soi ïa ka song bad ka Next Mittelstand ban pynithuh ïa baroh ar tylli ki jaka ai jinghikai pyntbit jong ka Germany ha ka jylla.
Kane ka prokram, ka ban sdang da ki 120 ngut ki samla pule bad ban pynheh haduh 20,000 na ka 10 snem, ka thmu ban pynkiew ïa ka jingtbit jong ki nongtrei sha ki kyrdan jong ka pyrthei.
Ha ka jingleit jong u sha Germany, u Salin u la ïakynduh ruh ïa u Hendrik Wüst, Minister-President jong ka North Rhine-Westhalia (NRW), bad ki nongpynïaid jong ka Dravidian Model jong ka Tamil Nadu.
“Nga la ïasam ïa ka jingkwah jong nga ïa ki kompeni kiba khraw ha NRW ban wad ïa ki lad ki lynti ha ka jylla jong ngi, nga la pynjlan ruh ïa ka jingkhot kaba kongsan ïa u ban leit jngoh ïa ka Tamil Nadu,” ong u Stalin ha ka jingïakren bad ki nongthoh khubor.
