Jowai, Nailur 05
Ha ka sien kaba nyngkong eh hapoh ka district, ka West Jaiñtia District Sports Association (WJDSA) ka khot sngewbha ïa ki kynhun ïalehkai jong ki kynthei ban ïashim bynta ha ka ‘Open to All Women Football Tournament’.
U General Secretary katei ka synjuk u Bah Lammat-oo Laloo u la pyntip ba ka bai rung (entry fee) ka long T. 2000/- kynthup lang ka bai pynrung kyrteng ïa ki ‘thei ïalehkai. Kumta u la wer ïa ki kynthei ban wan ïashim bynta khnang ba kane ka lympung ïalehkai kan long kaba iphuh iphieng.
