Srinagar, Nailur:
Arngut ki shipai, ba kynthup ïa uwei u Junior Commissioned Officer (JCO), bad arngut ki lehnoh, ki la ïap, katba uwei pat u shipai, u la mynsaw, ha ka jingïasiat kaba la jia ha kawei ka jaka khlaw ha Kulgam distrik kaba don ha Jammu & Kashmir, ha ka lah sngi U Blei.
U heh jong ka tnad shipai pahara u la ïathuh ba ka kynhun ba ïatreilang jong ki pulit, ki shipai, bad ki CRPF ki la sdang ïa ka jingkhynra ha ka jaka khlaw Guddar ha ka thaiñ Kulgam jong ka bynta ba shaphang Shathie jong ka Kashmir ha ka por mynstep.
U la ong ba ïa katei ka jingkhynra la sdang halor ka jingai jingmut jong ki pulit shaphang ka jingdon jong ki 2-3 ngut ki lehnoh ha katei ka jaka khlaw.
Katba ki bor pahara ki dang pynlong ïa ka jingkhynra, ki la shah siat ha ki lehnoh kiba la rieh lypa ha ka jaka ba la mih ka jingïasiat.
Ïa ka jingsiat la pynphai kylla da ki shipai, kaba la pynmih ïa ka jingïasiat kaba jur. Ha kaba ka la don ka jingdei kuli ïa ki shipai bad kumjuh ïa ki lehnoh. Ka jingleit thwet lehnoh ha kane ka thaiñ ka dang ïai bteng.
