Ranchi, Nailur:
Ki jingïakhun jong ki bor pahara ki la pynduna ïa ka jingdon jong ki lehnoh Maoist kiba don ha ka thup kyrteng jong kiba la shah thwet ha ki pulit sha ka 49 ngut ha Jharkhand, la ong ki pulit namar ba ka sorkar pdeng ka la buh thong ha u bnai Lber 2026 ban pynduhjait ïa ki lehnoh ha ka ri.
Katkum ka jingkheiñ jong ki pulit, ki don 28 ngut ki Maoist, ba kynthup ïa ki 11 ngut ki nongïalam ba hakhliehduh kiba kit ïa ka jingshah thong pisa kaba kaba T. 3.15 klur ha ka khliehjong ki, ki la shah pynïap ha ki distrik kiba kynthup ha Latehar, Chaibasa, Bokaro, Hazaribagh, Palamu, bad Gumla naduh u bnai Kyllalyngkot haduh ka 15 tarik Nailar mynta u snem.
Ki Maoist kiba ba dang shah thwet kiba dang treikam ha Jharkhand ki kynthup ïa lai ngut ki nongïalam ba hakhliehduh u Misir Besra, u Asim Mandal bad u Anal Da ryngkat bad ka buskit kaba T.1 klur ha ka khlieh jong ki, bad u Anuj uba la tip ruh da ka kyrteng kum u Sahadev, u Brajesh Ganjhu, u Lalchand Hembrom bad u Ajay Mahto ki la don mar T.25 lak ka buskit ha ka khlieh jong ki.
Katto katne ngut ki heh nongïalam jong ki lehnoh Maoist kiba la shah pynïap ki kynthup ïa u Arvind Yadav ba la tip kyrteng kum u Ashok, u dkhot jong ka komiti ba kyrpang (Maoist), u Saheb Ram Manjhi uba la tip kyrteng kum u Rahul, u Vinay Ganjhu uba la tip kum u Sanju Ganjhu, u dkhot jong ka Zonal Committee (Maoist), u Pappuvhara (JJMP), u Manish Yadav ba ju tip ruh da ka kyrteng kum u Manish ji, u dkhot ka Special Zonal Committee (Maoist) bad u Sudesh Ganjhu ba ju tip kum u Prabhat ji.
Katkum ka jingtip ba thikna, ki la don 18 ngut ki Maoist kiba la shah pynïap ha u snem 2020, 8 ngut ha u 2021, 12 ngut ha u snem 2022, 14 ngut ha u snem 2023, bad 11 ngut ha u snem 2024.
Kumjuh ruh, 20 ngut ki bor pahara, ki la shah pynïap ha kine ki snem.
