Chennai, Nailur:
U Myntri Rangbah ka Jylla Tamil Nadu u M K Stalin ha ka sngi Thohdieng u la plie ïa u mot jong ka Velu Nachiyar, ka shipai kynthei kaba la ïakhun na ka bynta ka jinglaitluid jong ka India bad kaba la jop ïa ki phareng. U la pynbna ruh ha kane ka por ba ïa ka Police Training School kaba don ha Vellore yn sa nam da ka kyrteng jong ka Velu Nachiyar.
“Ka histori jong ka Velu Nachiyar bad ki Marudhu Brothers, kiba la ïeng hajan jong ka ha ka jingïakhun jong ka ban ïada ïa ka khyndew ka shyiap bad ka burom jong ngi, kan pyrta jam ïa ka khubor ba kane ka khyndew kan ym dem khrup satia ïano ïano ruh”, la ong u Myntri Rangbah ha ka jingpyllait khubor ha ka rynsah X.
U Stalin u la pynkynmaw ruh ba ka sorkar DMK ka la pyndonburom ïa ka Velu Nachiyar da kaba pyni ïa ka drama shad jingrwai kaba pyni ïa ka histori jong ka jingim jong ka, bad da kaba ai ïa u mot jong ka Velu Nachiyar ha ka Float Parade jong ka Delhi Republic Day 2023.
